يالله ياالمعبود يامالك الملك .... يا واحـد ماله شريك ولا نـد

السلام عليكم ورحمة الله وبركاته

يالله ياالمعبود يامالك الملك
يا واحـد ماله شريك ولا نـد

أثنى عليك الخير كله وأبجلك
ولك المحامـد كلبوها بـلا عـد

سبحان رب سخر البحر للفلك
تجري بها الأرياح فالجزر والمد

بين الرجا والخوف حنا نعاملك
وأنت الكريم وظننا فيك تسعد

جميل لطفك غرنا مـع فضايلك
عفـوك عظيم ورحمتك بالموحد

ياقلب لاتقفي عن اللي معاملك
بإحسانه وتجزاه ياقلب بالصـد

ليا متى طول الأمل عنه مشغلك
َالمـوت له موعـد ولأعمارنا حـد

إذا حظـر ميعادهـا مـايمهلـك
وللكـل منـا يـامـلا يـوم لا بـد

ومادام من يغليك لامـت غسلـك
ونزلك في قبرك ودمعه على الخد

ماينفعك بعـده بعيـد تجاهلـك
ولا ينفعك من باقي الناس واحد

ويالله بعفو منك يا مالك الملك
يا واحـد مـا غيــرك إلـه يعبـد

البيرق

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك أبيض
يعطيك العافيه

شاعر كبير جزل متمكن
صح السانك مليارات

	المشاركة الأصلية كتبت بواسطة حسيـن

	شاعر كبير جزل متمكن صح السانك مليارات

صح بدنك
الله يعطيك العافيه
تحياتي وتقديري لك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك
لاهنت ولا هان غاليك
تحياتي

صح السانك اخي البيرق قصيده جميله
تحتوي على موعظه دينيه بارك الله فيك

	المشاركة الأصلية كتبت بواسطة محمدالعيسى

	صح السانك اخي البيرق قصيده جميله تحتوي على موعظه دينيه بارك الله فيك

صح بدنك أخي العيسى
وفيك بارك الله
تحياتي