( تجربتكم مع كورونا )..... مراسله

بدع/ خالد بن عبيد بن معتوق الأحمدي


تجربتكم مع كورونا تنفع اللي ماعرفها
وش سببها خبّرونا وش دواها والوقايه
كُل حاجه تستبين من المجرّب لا وصفها
وانت ليتك تختصر لي بالمُفيد من الحكايه
ناس من حولك كثير من الفضول اللي شغفها
ودّها تسمع كلام يجيب مافيه الكفايه
دام ياكوفيد وضعك فالمغموض أللي عصفها
هابت ألنّاس إفتراسك تطلب لعُمرك نهايه
تجهل العالم دواك وعبّرت به عن أسفها
والأمل بالله كبير وتنتهي يااصعب روايه


ردّ / فوّاز بن محسن بن لاحق الزّويهري


تجربتنا أمر شخصي ما نعمّم لك طُرفها
والفوايد فامر بحثي مثبت بعلم ودراية
و الحقيقة أمر غامض علته محد كشفها
مع تقدم طِبّنا نجهل نحدّد لك بداية
الكرونا فايروس حلو النّسايم يختطفها
والمناعة حايرة تحتاج دعم وله عناية
بالرياضة والتنوع فالغذا يملا كنفها
والعسل مع قِسط هندي هذي لك منّي وصاية
والوقاية فالتباعد حتى يتحقّق هدفها
والعناية بالنّظافة لبس كمامك حماية
وادعي الرحمن إن الجائحة ينهي صلفها
والحياة تعود للوضع الطبيعي ذا منايه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

صحت السنتكم وبيض الله وجيهكم


لكم تقديري

صحت السنتكم
..
..
أسجل اعجابي
..
ويعطيكم العافيه ..
..

توثيق حدث نادر وهام
مخاطر الاصابة والاعراض
طرق الوقاية وسبل العلاج
نص متكامل الاطراف والاركان
البدع سؤال من حكيم
الرد جواب من مجرب
والهدف توعية المتلقي

شكرا خالد
شكرا فواز
صحت الالسن على هذا الابداع