قصيدة( وش محدي الذيب )

(وش محدي الذيب)

قال الذي عدى بعالي مشارفها
شرف وهيض عليه الوقت مستوره

قبيلةٍ تحذف اللي فيها مايشرفها
و قبيلةٍ تلقط كل عوجى ومكسوره

قبيلةٍ تفرق عن قبيله يامعرفها
والنفس بما تشتهي وتعاف مآ موره

رسالتي للملا مآني امظرفها
نصيةٍ في عيون الناس منظوره

خوفي من شخصٍ ماتعنيه يحرفها
واللي تخصه يلوذ ويقلب الصوره

تجبر احزاني عيوني الدمعه تذرفها
على شيوخٍ بفعل الطيب مذكوره

كن الحزن دمعتي من العين يغرفها
ساحت اشناها على الخدين ممطوره

وش محدي الذيب على الهرفات يهرفها
الا من شيٍ وصل حده ومن طوره

طاحت الشيخه من عالي مشارفها
و القبايل اركدوا تحت أخو نوره


الشاعر /مبارك بن سالم المصلح الحربي (ابن دهيم)

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك مليون يردف مليون ووجهك ابيض والله يعافيك وتسلم طال عمرك تقبل تحياتي وتقدير

صح لسااانك مليون على القصيده
وبيض الله وجهك

لاهنت وصح السانك

تقبل التقدير والاحترام

وفقك الله

صح الله لسانك
ولاهنت
وسلم فكرك وبنانك
دمت برعاية الله وحفظة

حرف مميــــــز .. حضور مميــــــز .. واسم مميــــــز
صح السانك

السلام عليكم ورحمة الله وبركاته شكرا جزيل لكم جميعا من الاعماق على الردود والاطراءالجميل الذي ان دل فانما يدل على دماثة الخلق والذوق الرفيع تقبلوا فائق تحياتي وتقديري