صياف و حبيب : محاورة قوية جداً

30-04-07, 07:23 AM

جيت بالحربي و ابا الحربي و حربيي بطل=لأن وقف فالمعركة مايستريح أن مازعل
مار انا الجمال و الباكور فرقبت الجمل= ماعلى وجه البسيطه فيه حربي مستريح
صياف صاحي و مجنون=لكن أنا أطلع جنونه
المشاكمل فوق راسك يالسحيمي و أنته أنت=أنته اللي كنت ياصياف مدري كيف كنت
جيت مكه و المدينه و أنت مغشي ماذهنت=ماعلى وجه البسيطه فيه حربي مستريح
ياربعنا وش تقولون=للي يبحلق عيونه
أنته الليلة لياهبت على راسك صبأ= تلتفت للشيب مدري تلتفت يم الصبأ
ياغبي لاتبلش العربان بدروب الغبأ=ماعلى الدنيا تحصل عازمياً مستريح
صياف يمشي على الهون= و الله ماتقدرونه
دوروا هضبة طويله و أزرقوا من عندها=و أفطنوا للي تولع نارها من زندها
البنود الاربعه عيت تطابق بندها=ماعلى وجه البسيطه عازمياً مستريح
ياعود ياراعي الشون= إبليس هفك بشونه
الغبي اللي يقول أنك يا ابو مفلح غبي=و أنت حربي من مدينه لارسول و لانبي
يوم تلوي راس زقمك يالسحيمي وش تبي=ماعلى وجه البسيطه فيه حربي مستريح
ياناس لنكان توحون=صياف لاتصدقونه
ماعلينا شر منها شرها فوق الحروب=يالله أستر لاتعرضهم على بعض الدروب
ثم مانلقى معلم لاصدوق و لاكذوب=ماعلى وجه البسيطه فيه حربي مستريح
ان كان ماعندك سنون=ماأحدٍ عطالك سنونه
كلمتك فيها بلى ياقصرها ياطولها=يمكن ان الربع من قبل العصر قطو لها
ماأنت داري ياصغير العين وش حطو لها=ماعلى وجه البسيطه عازمياً مستريح
الورع جمره و غليون= بالله لاتتركونه
و الله إنا حرب في كل السوالف قادرين=و أنتم اللي فالديار مسندين محدرين
و العوازم فوق تيماء واردين مصدرين=ماعلى وجه البسيطه عازمياً مستريح
أنته من أدون فأدون=و الذيب يعرف بلونه
كلمتي ماقلتها قد حسبت حسابها=حلها محلها و أنته تراك أدرى بها
المثايل بالمثايل و اللحى باشنابها=ماعلى وجه البسيطه فيه حربي مستريح
أقنعك و إبليس ملعون= و ألفين من هالنمونه
الحروب أصحابنا يالله تعين أصحابنا=يوم فيهم رجل صاحي كيف مايصحى بنا
كثروا أن أصحابهم من كثرة أن أصحابنا=ماعلى وجه البسيطه فيه حربي مستريح
صياف شاعر و مالون= لولا العرب يرفعونه
ماملينا الارض شر و لاعملنا منكرا=و أنت مثل القرد قاعد لي على طلعة كرا
أثرك الضب الكبير اللي يهز المعكراء=ماعلى وجه البسيطه عازمياً مستريح
تراك تمرٍ في ماعون = و إليا ضوو ياكلونه
عازمياً كل ماشاف البحر و أكل السمك=جابله بستم طويل و هز راسه و أنسمك
ليت عندي غاز و أرميبه و أسكر منسمك=ماعلى وجه البسيطه عازمياً مستريح
و أجيب قازٍ بجالون= أظنهم يحرقونه
كان ماجيتو بخير و كان ماجيتو بشر= يابشر و الله ماتحسب بشر
من يبشرنا يبشر من بشايرنا بشر=ماعلى وجه البسيطه فيه حربي مستريح
تراك للتمر عرجون=إليا يبس يقطعونه
كل ماقابلت لي حربي نفخ ذربه علي=كن عنده في زهابه سيف أبو طالب علي
من تعلى فالجبال العالية قالو علي=ماعلى وجه البسيطه فيه حربي مستريح
ماعندكم ماتسوون= إلا السمك تجلبونه
قالوا العربان مافيه إخلوي(ن) ماشحد= ثم فتشت الدفينه و الحقيقه ماش أحد
مالقيت إلا فراشٍ ملتوي و لحاف حد=ماعلى وجه البسيطه عازمياً مستريح
شنبك ماهو بمدهون= ياليتهم يدهنونه
أنت فقري مأنت لاقيلك شراباً تشربه=مثل ضلع بلارعي و يسرحون النشر به
و اعرفوا يوم القيامه و القشر و الحشر به=ماعلى وجه البسيطه عازمياً مستريح
نعطيك فلفل و كمون=و الخار مايضمنونه
الصلب لنكان تشحد منك أنا مالي دخل=و النخاول فالمدينه شيخهم واحد خول
و أنت مدري عارفه و إلا عمى و إلا حول=ماعلى وجه البسيطه فيه حربي مستريح
يعرض لكم فلم كرتون= العصر و تقابلونه
أنته الليلة تدربا و أكثر الناس يتدربى= و البشر لو يطلعون النير مايلقون دربى
و الغشيم إليا ضربته بالعصى ماعاد يربى=ماعلى وجه البسيطه عازمياً مستريح
في زادكم ماتسمون= حتى ولو تشحدونه