دوك الوجار

ياعلي دوك الوجار اشعل حرايقها = خل المسير من اقصى الحي يرعيها
وازهم اسامة يدني لك لحايقها= دلة ومحماس مع نجر يباريها
خلو معاميلها دايم تعانقها = ياما حلاشبة وانتم حواليها
شفي على قهوة حلوة ذوايقها = مهيلة وانت بيمينك مسويها
يازين فنجالها واخوك سايقها= على مشاكيل شاقتني معانيها
في جلسة طيبها غطى عوايقها = ماشابها شايب يخلف طواريها
اليا بغيت العلوم اعطوك صادقها = تسعد بمنطوقها من يوم توحيها
تغنيك عن ناس تاهت في طرايقها = مضرة الناس دايم من مباديها
من عاش مع علة ماهو مفارقها = حتى الطبيب المداوي مايداويها
لو يبدي الطيبة ماهو بطايقها = حبايل السوء جوف القلب كانيها
مخايل في السما لاحت بوارقها = لكن رش المطر مابل واديها
سود الليالي غدت باللي موافقها = والمقمرة زان للساري مساريها
جانب خبول البشر واختا ر رابقها = من عاشر القوم يمسي فيه مافيها
الرفقة الطيبة دايم ترافقها = ان جات وان روحت وانك مخاويها
هذي وصلتي تمعن في حقايقها = وضحت مضمونها ماني مخفيها
واختم واصلي صلاة وانت عاشقها = على النبي واله الاطهار نهديها

صح لسانك واعتلا شانك

	المشاركة الأصلية كتبت بواسطة ابوهليل

	صح لسانك واعتلا شانك

صح بدنك اخوي تقبل تخياتي

صح لساااااانك مليووون

صلى الله عليه وسلم
صح الله السانك لاهنت
شيخنا الفاضل
حسين بن مريع العبيدي

	المشاركة الأصلية كتبت بواسطة الكحيلة

	صلى الله عليه وسلم صح الله السانك لاهنت شيخنا الفاضل حسين بن مريع العبيدي

صح بدنك اختي شكرا لمرورك تقبلي تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

صح الله لسانك
ولاهنت
وسلم فكرك وبنانك
دمت برعاية الله وحفظة