الطفل السوري عمران

اللي بها من تحت الأنقاض جابوه
طفلن يغطي سير الدم حاله

يمسح بها وجه عن الدم ضروه
حسبي على اللي بالعداوه نواله

حربن لعينه يوم بالظلم اذوه
عمران شافه و أشغال الهم باله

نظرت كسير و لا درا وش سووه
لسوريا حسبي على اللي عداله

حاله كسيف ولو بها اليوم داووه
ما شافت عيونه بحرب الجهاله

حسبي على بشار و اللي يعينوه
حسبي عليه اللي علم كل حاله

والله على منهو على الشر مدوه
الله يزلزلهم يمين و شماله

يبغالهم منهو عن الظلم ردوه
لو هي بقوه تردعه عن وباله

تاهت حروف الشعر يومنه اذوه
عمران ذاق إمرار مما جراله

واللي بها من تحت الأنقاض جابوه
طفلن يغطي سير الدم حاله


الشاعر // بــدر مـنـور مـطـلـق الـحـداري //

صح الله السانك لاهنت
وحسبنى الله وهو نعم الوكيل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسااانك على هذه الرااائعه

يعطيك العافية

تحيتي لك