(صياف)حالفتنا الشجاعه مانعرف الرخامه

21-04-07, 10:34 PM

أول الليل ننصب فوق راسك عمامه= و آخر الليل ماجت عنك و إتموج عنها
مرحبا ياغريبٍ جيتنا من تهامه=فوق ظهر الذلول اللي قصيرٍ رسنها
لايضيق الثبيتي ثم يكرب حزامه=ان سمع هرجةٍ هراجها ماوزنها
جيتكم بالزعيم اللي يشيل الزعامه= ماتروح الجنازه لين يربط كفنها
لو تزعل ثبيت و لو تقوم القيامه= ماترجيت أهل مكه و لاخفت منها
يابعيرٍ من الفجعه تراقل عظامه= يسبر الزبده اللي سابحه في لبنها
في خدودك رسوم و في جبينك علامه= و الجزيره كرهنا شامها مع يمنها
يوم ضلى شداده يلتوي في سنامه= كل لحيه من السمن المصفى دهنها
آخر الوقت مايبقى ياغار المسامه= مار كلاً ينزل خبزته في صحنها
الحريبي عليه من العوارف ملامه=ما أظهر الحاجه اللي تحت بيته دفنها
بعد سويت شغلٍ مثل شغل النعامه= بعض ربعك تبأ تجلي و تترك وطنها
الحريبي طلعبك فوق ضلع الندامه = قام يصنع لك المشلح و يغلي ثمنها
و الله أني لأسويلك ثلاثين قامه= قبل ترقص مع العالم و تعرف لحنها
إكل خبزك يا أبو عرام و اشرب يدامه=ماربح واحدٍ خلاك تامر و تنها
الجمل كان ماحطو في راسه بدامه= شال له حملةٍ يا اصحابنا ماذهنها
يمطر السيل ثم تفوح ريحة بشامه= مير هون على العربان لاتمتحنها
الجمل لو يشين الوقت يقطع خطامه= ثم خلى جبال البدو ياقف ضعنها
خشم بنت الحريبي قام يلمع زمامه=كل من شافها تغمز و ترمز لعنها
من يكحل عيونه و له فالخد شامه=مانصى القوم و إنشوفه برمحه طعنها
حالفتنا الشجاعه مانعرف الرخامه= لحيةٍ يختفي فيها بليس إنحسنها