رفرف ياعلم

باسم رب الكون رفرف يا علم = في سمانا دام حنا فالوجود
والملك سلمان هو راس الهرم = كل شعب المملكة لعينه جنود
يوم هادي اشتكى هم وغم = الملك سلمان نادى يا الفهود
بأمر حكام الخليج العلم تم = وجهزوا لجل اليمن ذيك الحشود
اتحدنا الرأي والعلم أنحسم = اليمن وأهل اليمن عنهم نذود
صعب نسكت واليمن تشكى الألم = لين حتى الأمن لصحابه يعود
قول لطاغي تراك أنت تحلم = دون امن أديارنا أكفان ولحود
من نوانا بشر والله ما سلم = فعلنا مشهود والعالم شهود
مجدنا بالفعل سطر والقلم = ما نهاب الموت والمرقا سنود
من خليج العز لا غرب الحرم = كلنا أخوه وفالماقف اسود
ما حنثنا يوم والله في قسم = نشعل النيران من قدح الزنود
ما شكى جار الخليجي يوم هم = من قديم الوقت موفين العهود
دار السعودي دارنا فوق القمم = والشعب والحكام حامين الحدود
بقيادة ألي مشتهر بين الأمم = سلمان ابن عبدالعزيز ابن سعود
الصف واحد فالمواقف مانقسم = متوارثين المجد ونكيد الحسود
وباسم رب الكون رفرف يا علم = في سمانا دام حنا فالوجود

الله يحفظ وطنا وحكامنا وجنودنا
من كلـــــ مكروه
صح الله السانك على النص الراقي
ويستحق الفايف لعيون الوطن

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة