2786 طولهن بالعرض واللامح لمح.. محلول من الكحيلة صح السانها

خل فكرك يالمشاهد يستريح=أتعب اللي شوفهنّه شوف صح
فكرك أعطه بس ثلثه يافصيح=وإترك الثلثين للشاهد شبح
يالمشاهد مانقول إلاّ الصحيح=خذ كلامي وإتبعه من دون لح
يستريح البال يالوجه الفليح=ون تركته ياعنيد الراي رح
أتعب العين المليحه بالمليح=تاصل اللي فن شعري له شرح
اللي أنصف شاهداً له بالمديح=غير مادح شح بوحه مامدح
شُوفهنّه ياشذاهن ريح شيح=لاغشاه من الدّهايم ديم سح
شوف عينك وأنت حاضر لاتميح=طولهن بالعرض واللاّمح لمح
صح شوفك كان شاف المستضيح=صح فكرك يوم شوفك صار صح

صح السانك لاهنت

والحل هذا البيت

خل فكرك يالمشاهد يستريح
أتعب اللي شوفهنّه شوف صح
جميع كلاماته موجوده في اول الشطر للبيات السابقة

	المشاركة الأصلية كتبت بواسطة الكحيلة

	صح السانك لاهنت والحل هذا البيت خل فكرك يالمشاهد يستريح أتعب اللي شوفهنّه شوف صح جميع كلاماته موجوده في اول الشطر للبيات السابقة

صح بوحتس وتفكيرتتس يالكحيله نعم الحل هو ماذكرتي
طولهن بالعرض واللامح لمح
بس ابلشنا لغزتس المتهم كل ماقعلي بحل القاه اربع حروف

	المشاركة الأصلية كتبت بواسطة حمد الشراري

	صح بوحتس وتفكيرتتس يالكحيله نعم الحل هو ماذكرتي طولهن بالعرض واللامح لمح بس ابلشنا لغزتس المتهم كل ماقعلي بحل القاه اربع حروف

صح بدنك لاهنت

ولغز رائع لاشك

صح لسااااااااانك ياحمد ابيات جزله بيض الله وجهك


جااااااااري التفكيييييييييييير

	المشاركة الأصلية كتبت بواسطة ابوهليل

	صح لسااااااااانك ياحمد ابيات جزله بيض الله وجهك جااااااااري التفكيييييييييييير

ووجهك ابيض يابو هليل
اللغز راحتبه الكحيله

مبدع ياحمد صح السانك مليون

حبك وسبك شاعر متمكن

ومع الكحيلة في الحل

	المشاركة الأصلية كتبت بواسطة حسيـن

	مبدع ياحمد صح السانك مليون حبك وسبك شاعر متمكن ومع الكحيلة في الحل

تسلم مستشارنا الوافي حسين بيض الله وجهك
ابداعنا يتجدد في تشجيعكم لاعدمنا وجودكم

وش الحل يالربع انا ماعرفت الحل

ان كان ممكن

ابو هليل
طولهن بالعرض واللامح لمح طال عمرك

شف البيت الاول من اللغز ,, ثم رتّب الكلمات الاولى من كل بيت في الصدر
شف وش يطلع عندك وتقبل تحياتي