مْجَادَل الجاهل مساري دجى ليل ...

*
*
*

مْجَادَل الجاهل مساري دجى ليل
ماله مـــواري صُـبـح يجـلـي ظــلامه

طُرقة عـناء والـدرب شـوك عـراقـيل
ما يـلـحَــقَـك مـنهـا يا كُـود المــلامـة

قِلّ العَقل نِقمة ؛ و زَود الجَهَل مَيل
مَـيـلـة هذاك اللي ما فيه إسـتــقـامة

راع الجَهَل خيّال ما يسرج الخيل
ركــزة عِــقــال بدون لَـبْـسَـة عــمــامه

عن بُعْد فارس ؛ من قريبّ طُـرُمّـبيل
جـسـمـه زَحَـم عـقـلـه وصعـبّ لِـيـامِه

مْـجَـالَسِه شرهة ونُصْحِه جَهَد حيل
عين الجَهَل يأهل العَقل في خصامه

إنْ ما جَهَل زادك ؛ يزيدك غرابيـل
يـحــطّ من قـــدرك ويـرفـــع مــقـــامه

تقـربّـه خُـطــوة ويـنـفـح بكم مِـيـل
صقـرك يحطّه فالـقفـص مع حَـمـامِه

ما يرتــوي ضميـان لو يِـارد النيل
عـــدوّ نـفــســه ما لِــفـِكــرِه قَـــوامَـه

داء الجَهَـل يا جاهلين الجَهَـل قيل
ماله دواء ؛ راعـيه يـبـطـي ســقــامه

وبعض السَقَم لو كنت دكتور بلحيل
مـعــدي تحَــوّط منه و اِرجَ السـلامـة

*
*

وسـلامـتـكـمـ ..
حـفــــــيـد الحجــــــيري

حـفــــــيـد الحجــــــيري

صح لسانك وعتلا شانك


ابو على عوده حميده باذن الله لقسم القوافي


وتواجدك وتواجد الشعراء الاخرين يعطي القسم حيويه



هلا وغلا مليون وصح لسانك مليون

	المشاركة الأصلية كتبت بواسطة سعد المحمدي

	حـفــــــيـد الحجــــــيري صح لسانك وعتلا شانك ابو على عوده حميده باذن الله لقسم القوافي وتواجدك وتواجد الشعراء الاخرين يعطي القسم حيويه هلا وغلا مليون وصح لسانك مليون

صح بدنك يابو تركي

لا عدمتك يالغالي

صح لسانك وعتلا شانك
جزل بيض الله وجهك

	المشاركة الأصلية كتبت بواسطة نديم المجرة

	صح لسانك وعتلا شانك جزل بيض الله وجهك

صح بدنك يالغالي
لا عدمناك

صح لسانك

قصيده جزله

	المشاركة الأصلية كتبت بواسطة نداء الغيداني

	صح لسانك قصيده جزله

صح بدنك يا نداء

لا عدمناك

تسجيل تواجد في منبر الجزاله
صح لساانكـ
بيض الله وجهك

تسجيل تواجد في منبر الجزاله
صح لساانكـ
بيض الله وجهكـ

	المشاركة الأصلية كتبت بواسطة قيصر الحرف

	تسجيل تواجد في منبر الجزاله صح لساانكـ بيض الله وجهكـ

صح بدنك اخ قيصر

لا عدمناك