قصيدة مشاركه في حفل قبيلة جهينه بالمدينة المنورة في 2\3\1435هـ

--------------------------------------------------------------------------------

بسم الله الرحمن الرحيم
هذه القصيده مشاركة في حفل قبيلة جهينه الذي أُقيم ليلة السبت
الموافق 2\3\1435هـ تكريماً للشيخ: زبن بن عبد الله بن جديع
شيخ شمل الحنانيه من قبيلة حرب ورئيس مركز الدليميه بمنطقة القصيم.

قدام لانبدأ بيوت القصيده=
=تحية الإسلام سنه وتنقال
سلام يارجال الوفاء والعقيده=
=عداد مايمطر من المزن همال
سلام شاعر والنشاما رصيده=
=مبدأ حياته في طريقه ولازال
والشعر جزله بالمواقف نجيده=
=وعقب السلام الزين نبداء بالأمثال
واقول ياجهينه ونعم البديده=
=دام الوفاء فيكم من أجيال لأجيال
العام زرتونا وجيه سعيده=
=لبيتم الدعوه على كل الأحوال
جيتم لشيخٍ بالمواقف وليده=
=في منزله يُقلط على الحيل ودلال
ابن جديع الطايله ما تكيده=
=كون لنا عرفة حشيمين وابطال
وتم التعارف والنشاما تزيده =
=منا ومنكم يا كريمين الأسبال
واليوم جيناكم بدعوه مجيده =
=من روسكم جزله على عالي العال
ياهل المكارم والفعول السديده=
=يوم العرب صولات رجلي وخيال
وبحفلكم عبرت باللي نريده=
=وختامها الكمبود والمسك يا رجال
ويالله عسى أيام النشاما مديده =
=أقولها من جد بقفاي وقبال

الشاعر: سند مسند العريمه الحربي.

الشاعر الجزل
سند العريمه
صح لسانك وعتلا شانك
جزل الله يبيض وجهك
والنعم بالضيف والمضيف
الشيخ زبن بن عبدالله الجديع وصحبه الكرم من مشائخ وافراد
من قبيلة حرب العزيزه يستاهلون الطيب من رجال الطيب
وقبيلة الزوايده خاصه وقبيلة جهينه عامه الكرم ليسى بغرب على رجال اوفياء
الله يبيض وجيههم وبيض وجه كل من حظر بتكل الليله العامره بالمحبه والاخى والتلاحم
بين الجميع اجمل التحايا

الشاعر الكبير / سعد المحمدي. صح بدنك وبيض الله وجهك مميز
دائماً يا أبو تركي في شعرك وفي ردودك لاهنت ولا هان منطوقك.
تحياتي لكم ودمتم بخير وسعاده.

الشاعر الجزل

سند العريمه

قصدت فاجدت بيض الله وجهك

صح لسانك بيض الله وجهك ووجيه حرب وجهينه مواجيب واهل مواجيب

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اهلابكم ابوهليل وصح بدنك يا ابن العم لاهنت . تحياتي لكم..

الشاعر/صلاح الحيسوني صح بدنك لاهنت .تحياتي وتقديري لكم..

الحب الباقي تسلم وصح بدنك لاهنت .اجمل التحايا لكم..

صح الله السانك


قصيدة عانقة السماء بجزالتها وأبداعها

تحياتي لك