وحدة بوحدة و القلوب صحاح..

بسم الله الرحمن الرحيم

قال الشاعر محمد بن سماح

يا موتري يا ماحلا المسراح = قدام نور الصبح ينباحي
على طريق الجادل المضياح = اللي عليها القلب ينلاحي
أبو عيونن رمشهن ذباح = سودن تخج القلب برماحي
جيته على الميعاد قلت ارتاح = لكن زاد الجرح بجراحي
شفته بغفله و الشعر سباح = كن القمر في لبته لاحي
يا شبه وضحن قلدوها وشاح = بأول ضعون الشيخ درداحي
و العنق ريمن ذيره صياح = جفل و عن وجه الدبش زاحي
ودع و قفوا به و سدي باح = عقب مفارق سيد الأملاحي
أقفت ركابه و الضعن طفاح = بدوٍ جذبهم بارقن لاحي

رد الموتر شواح

يا سايقي وراك ما ترتاح = اتعبتني مسراح مرواحي
على طريق الصاحب المزاح = اللي خذاك بحلو الأمزاحي
يالله عساك اتضيع المفتاح = لو يوم واحد كود نرتاحي
لا و عنا قلبك يا بن سماح = اللي غدابه ضبي الأبراحي
المزنه اللي برقها لواح = يرجي مطرها كل فلاحي
شحت بماها و الضمى ذباح = كم أهلك المجنون و الصاحي
أخذت حقك في زمانن راح = و اليوم هود و انس ما راحي
و إلا تولم و احترف يا صاح = و اشر الدبش و البيت و اسناحي
وده بصوتن يجذب المطياح = و إلا تحوش الضان و إتاحي
و اصبر على ما يتعب السراح = و ارع الحياء من وين ما طاحي
وحده بوحده و القلوب صحاح = أما الخساير و إلا الأرباحي

انتهى مرد شواح


يقول الشاعر محمد سماح
يشير لآخر بيت من قصيدة الموتر شواح

خوفي من آخر بيت يا شواح = تبدل الأفراح باتراحي
إليا طاح طايحنا و قالوا طاح = في وقتها ما تفيد الأنصاحي
لكن أبا أسمع كلمة النصاح = يمكن يعود و تكمل أفراحي

و سلامتكم

صح اسانك يابن سماح وصح لسان شواح كل ٍ منكم عرف للثاني اثابك الله

لي عوده هنا

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح السانك بيض الله وجهك

صح السانك يبن سماح

الشاعر القدير محمد سماح الغيداني صح لسانك مليون على هالابداع ودائما ً اجد في شعرك يابو مشعل
البيوت الراكدة القويه بدون تكلف وهذا الشعر الحقيقي الذي ياتي من المشاعر ليخاطب المشاعر
في نص شعري قوي التركيبه والالفاض فالله درك يابو مشعل الله يعافيك

	المشاركة الأصلية كتبت بواسطة محمدسماح الغيداني

	بسم الله الرحمن الرحيم قال الشاعر محمد بن سماح يا موتري يا ماحلا المسراح = قدام نور الصبح ينباحي على طريق الجادل المضياح = اللي عليها القلب ينلاحي أبو عيونن رمشهن ذباح = سودن تخج القلب برماحي جيته على الميعاد قلت ارتاح = لكن زاد الجرح بجراحي شفته بغفله و الشعر سباح = كن القمر في لبته لاحي يا شبه وضحن قلدوها وشاح = بأول ضعون الشيخ درداحي و العنق ريمن ذيره صياح = جفل و عن وجه الدبش زاحي ودع و قفوا به و سدي باح = عقب مفارق سيد الأملاحي أقفت ركابه و الضعن طفاح = بدوٍ جذبهم بارقن لاحي و سلامتكم

هاذي تحفر على خشب قديم وتعلق على بوابة الجنادرية
ويكتب تحتها ضحية الحب قيس زمانه ابن سماحههههههههههههههه

صح السانك وجزل ولافيك حيلة بيض الله وجهك وتقبل تعليقات محبك
العطيب

أخوي الطالب
حياك الله و حيا الله ردودك
و هذا الإطراء الجميل
تقبل تحياتي يحفظك الله

أخوي الحب الباقي
حياك الله و حيا الله ردودك
و هذا الإطراء الجميل
تقبل تحياتي يحفظك الله