اوصيك ووصي يارجاء كل الاحباب

السلام عليكم ورحمة الله وبركاته
اليكم الجديد اتمنى ان ينال علي استحسانكم

ابدا بسم من يبتدي فيه ماخاب = ربن بيده ارزاق خلقه كفلها
الواحد المعبود هو رب الارباب = اللي ايجازي كل نفس ابعملها
ومن بعد ذكره طاب لي يارجاء طاب = صوغ البيوت اللي فوادي فتلها
مضمونهن هات القلم وكتب اكتاب = اكتب ونا بمليك وضبط اجملها
اوصيك ووصي يارجاء كل الاحباب = وصيتن ماني ابطالب بدلها
اللزم مخافة من هزم جيش الاحزاب = النفس خوف الله يجلا جهلها
ووصيك بثنينن لهم حسن الاداب = واجب ونفسك تلعلنن الهم ذللها
في برهم تكسب رضى رب الاللباب = وتجزا ابدارن حض منهو نزلها
ووصيك في جارك من اقراب وجناب = لو كان من ناسن كثيره اعللها
اوفه احقوقه حاضرن كان ون غاب = حقه كبير وكلمة الحق قلها
وصاحب من الاصحاب هو خير الاصحاب = اليامالت النفس الشقيه عدلها
هذا جليس الخير ياعرب الانساب = واللي مثل هذا له الناس ولها
والضيف رحبّه كثير الترحّاب = كثر به الترحيب ونت من اهلها
وبيتك عن الخطار لايصير مجناب = للعز بيتن ضيف ربي دهلها
وختامها بوصيك ياعرب الانساب = وصيتن ماني ابطالب بدلها

هلا وغلا
يابو رجاء من طول الغيبات جاب الغنايم
صح لسانك على القصيده الجزله
والله ينفع في ابنك ويجعله من الصالحين
المحبوبين عند الله وعباده

الشاعر القدير سعد الحصني صح لسانك الله يعافيك

كلام رااايع
يسلم منطوقك وذوقك.

صح بدنك يابو تركي
وافي ولا غرابه
تحياتي لشخصك الكريم

جزله من راع الجزلات صح لسانك

تحياتي لك

ياااااااااااااااااسلاااااااااااااااااااام
عليييك
صح لسانك و بيض الله وجهك

صح لسانك اخوي سعد
قصيده جزله
دام شموخ حرفك
احتراامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة