عذب الكلام

السلام عليكم ورحمة الله وبركاته
اسعد الله مساء / صباح الجميع بكل خير

اطرح بين ايديكم هالقصيده وارجو انها تحوز على رضاكم وتنال اعجابكم .


~ْ~ عــذب الـكـلام ~ْ}

البيت لو اني مــــن الـــطـــيــــف بانيه =اعجاب بالصوره وفي حــــبــكــة البيت

قالوا هوى اللي دوم عـــــيــنـه تراعيه=هذا وانا من عابر الـــــطـــيـــف راعيت

من كثر مااكتب به قـــصــيـــدي واغنيه=لو كان ماجاني وانا مابـــــعـــــد جيت

الورق لامن نـــــاح بالـــصــــوت ألاحيه =هو من طرب وانا من الضيــــق لاحيت

واقلبي اللي حادي الـــــحــــب حاديه =الوصل من دونه حــــبـــالـــه مفاليت

اهـــيـــم فــــــي وادي ولاهــــو بواديه =هو مادرى عني وانا الـقــلـب له بيت

ياكم ليل ٍ بالــــهـــواجــــيــــس ساريه =اعيش واقع طيف حـــي بجسد ميت

بإسمه ليانـــــاديـــت ثــــم قـــال لبيه =تـــــفــتــقــــن زهــــــــور ورد ٍ منابيت

والشوق يسقيهن حلـو نـــبــع ساقيه=والحب نوّه هـــــل فــــوق المساحيت

عذب الكلام اللي لاجاء القلــب يحييه=ويرتب الافكار مــــن عـقـــــب تشتيت

اسعد مامر العين . هـــي نظرتي فيه=واسعد مامر السمع.يوم إن له اوحيت

لاعدت من رحلــه مــــع اطيافه . إليه =للواقع اللي بــــــيــن غـــــاز ٍ وكبريت

قلبي عــــــــن مــــــراده تتله عراويه =واصفق كفوفٍ عقب غابـــت مباحيت

ماينفع المسروق لأصــــبــــح عزاويه =لكن عزايه بالدجى شـمــعـــة الليت

شمعة حقيقه طيفها عشــت حاليه =ياما عليها اصبحت بالفكــر وامسيت

إليا حسبت الوقت طــــالـــت لياليه =والعلم حدد له من الــــعـــام توقيت

لكن ابصبر طـــــول الايـــــام وارجيه =والله يــــحـــــقق يامــــــلا ماتمنيت

وسلامة الجميع

صح لسانك ياسيف
روعة القصيد العذب

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعر
سيف الهويملي
صح لسانك وعتلا شانك
جزل يابن العم الله يبيض وجهك

لكـن*ابصـبـر*طــول*اﻻ‌يــام*وارجـيـهوالله*يـحـقــق *يــامـــﻼ‌*مـاتـمـنـيـت
صح لسانك
تقبل مروري المتواضع

صح ابدانكم وطابت حالكم

الله لايهينكم على التواجد المشرف ، سعيد جداً بإطلالتكم الرائعه


شآكر ومقدر لكم