( اليوم صار الحبّ حسب المصاري ) .مساجله مع القدير / ناصر بن مصلح الاحمدي

01-03-13, 02:35 PM

/
/
/
/
/
/
/
/
/
/
/
/
/
/
/

بدع الشّاعر / خالد بن عبيد ألأحمدي=
الهرج قصره كان وفّـى بمعنـاه=اخير من كثره وشـرواك داري
وابختصر هرجي بتبيين مغـزاه=من دون لاجادلك وانته تمـاري
ياناصر المصلح ترى الودّ عفناه=ولاني على درب المحبين ساري
بهجر طريق اللي نساني وبنساه=ويرتاح بالي من غثيث الطّواري
من مدّلـي يمنـاه مـاردّ يمنـاه=واللي مدح يمناي ماهو يسـاري
درب الهوى ينعاف سبّة بلايـاه=والمبتلـي بالـودّ قلّـه حـذاري
حبّ النّزاهـه والنّقـاوه فقدنـاه=اليوم صار الحبّ حسب المصاري
وانا يابن مصلح لي القاف تقراه=اعطيت تبريري وسقت اعتذاري
وتزيدني بهجه بمـردود تنقـاه=كانك موافق رغبتي في قـراري
ماني مقزّر وقتي بشـي مادنـاه=بشغل فراغي فالمحـل التّجـاري
ردّ الشّاعر/ ناصر بن مصلح ألأحمدي=
يامرحبا يارجل طيبـه عرفنـاه=وطبعه على درب المناعير ضاري
أبيض وجه دايم وبالخير طريـاه=ياليته قريّـب وجنّبي وجـاري
عبر القصيد اليوم حرفه قرينـاه=جاني وانا جالس بطعس وبراري
ماهو مجرد شعر مروي وشفناه=ابيات من طنخ الرواسي تثـاري
يوم المعاني ساقها فكر شـرواه=لقّيتها فكـري وكـل اعتبـاري
يابو عبيد اليوم كل ٍ ومسعـاه=ودرب الهوى مابين بايع وشاري
والود ماينعاف دربـه وممشـاه=لاصـار ودّك بالمـودّه يبـاري
دنياك ماتصفى على مـا تمنّـاه=مرّه شداد ومرّة ٍ لـك تـداري
كل البشر ذاقت فرح مع معانـاه=مابين حب وكره عاشوا جبـاري
خل الصبر في دنيتك دوم مرساه=ومع الظّروف اليوم خلّك حضاري