سر ياقلم

بسم الله الرحمن الرحيم

سر ياقلم واكتب جزيلات الابيات = انا علي الفكر وانت الكتابه
عوم البحور وغوص وسط المحيطات = ومع الفضاء حلق وطير برحابه
مانته بمكلوف ٍ بكثر الدعايات = ولالك بمن يحكي ولامن حكابه
انته كتبت اقدارنا قبل بثبات = كتبت قبل النطق ينفك بابه
بامر الكريم الي رفع لسموات = من نرتجي عفوه ونخشاء عقابه
واليوم صاير تحت ظل العصبات = مستاسرينك والنتيجه عصابه
يحرفون الوضع حسب المزاجات = اهل الكلام الي قليل ٍ صوابه
حتى مع التاريخ عبر السنوات = كل ٍ يقول إنه فريد ٍ جنابه
وإنه من اجل الدين سوا بطولات = ولاجيت فعله حق ماينحكابه
الجاه هو والمال وايضا العلاقات = منها القلم يشكي وكل ٍ غدابه
ماعم في ماقلت للخير بصمات = لو كان قول الحق طول غيابه
إلى متى إلى متى نمدح الذات = والوضع واضح ماورد به تشابه
شنوا على الاسلام والدين غارات = من قوم ٍ اضعف من جناح الذبابه
وحنا نناظر وش تبث المحطات = وكل ٍ يقول إنه اسد ٍ بغابه
وإلا الحقايق كلبوها فقعات = تمسح كما اغبار ٍ مسحته سحابه
المعتصم حرك اجيوش ٍ ثقيلات = من شان صوت ٍ جاه هذا جوابه
وحنا نشاهد لنساء صوت صرخات = من طبت اسموعه نخا كل لابه
لاكن نعيش اسكات ونموت بسكات = هذا الصحيح وين وجه الغرابه
من قدس اوجيه البشر ضمن الاموات = يروح حقه قدم عينه انهابه
مع السلامه ياقلم والتحيات = لذيب والي عاش ضمن الذيابه

فايزموسى البشري

فايزموسى البشري بيض الله وجهك

ولاهنت

قصيده تستحق المتابعه

من شاعر جزل له مكانته الشعريه والادبيه

لاكن مابيدينا حيله والمعتصم ماااااااااااااااااات

	المشاركة الأصلية كتبت بواسطة مساعد الجليدي

	فايزموسى البشري بيض الله وجهك ولاهنت قصيده تستحق المتابعه من شاعر جزل له مكانته الشعريه والادبيه لاكن مابيدينا حيله والمعتصم ماااااااااااااااااات

هلا فيك الشاعر القدير مساعد الجليدي صح بدنك الله يعافيك

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

هلا فيك صح بدنك الله يعافيك

الشاعر
فايز البشري
صح لسانك وعتلا شانك

	المشاركة الأصلية كتبت بواسطة سعد المحمدي

	الشاعر فايز البشري صح لسانك وعتلا شانك

هلا فيك صح بدنك الله يعافيك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

هلا فيك صح بدنك الله يعافيك

صح السانك لاهنت
مستشارنا القدير
ولاهان منطوقك الرااقي
الله يفرجها