( سور بكين ) ...مساجلة ( جميل بن حميدان ..و.. خالد بن عبيد )

/
/
/
/
/
/
/
/
/
/
/
/
/
/
/
/

بدع الشّاعر / جميل بن حميدان=
الله من هـمٍ معايـة لـه سنيـن=والله مـن صبـرٍ تجـاوز حـدوده
همٍ محاوطني كمـا صـور بكيـن=سيـلٍ وعيـّت لاتـرده ســدوده
صابر ومترجي يزيل القسـا ليـن=مير القسا طـوّل وطالـت مـدوده
الجيم ماحصلت معه ياصقر سيـن=واللهـم قايدنـي ولا اقـدر اقـوده
النّاس من حولي وانا اخوك ممسين=وانا وجودي تايـهٍ فـي وجـوده
ارقد ليا كان المخاليـق صاحيـن=واسهر وغيري مهتني في رقـوده
مدري علامي حايرٍ بيـن قوسيـن=والكل منهـم يـم الآخـر يقـوده
الحـر مايحتـاج ياصقـر تبيـن=وانته صقر والصقر عالـي وروده
اتغيّر العالـم بعـد عـام الالفيـن=وامّة محمد بحرهـا فـي ركـوده
كانوا من اوّل واحد وصـاروا اثنيـن=راحوا مراح مقيط من دون عـوده
وقتٍ تغيـر فيـه كـل الموازيـن=وقت اختلط بيضه مع ايام سـوده
فيه العرب نسيوا قضية فلسطيـن=والقدس فيها تحت حكمـة يهـوده
واحنا بثورات العرب عنـه لاهيـن=لين الحسود اخرج من العين عوده
البعض منا عن بعض صار مقفين=والبعض مرسل يم بعضـه وقـوده
ذا حالنا والله علـى حالنـا ايعيـن=كثرة ولكـن كثـرة بـدون جـوده
ردّ الشّاعر / خالد بن عبيد بن معتوق ألأحمدي=
جميل يشكي همّ مسهر له العين=فكتاب وجّه لي كثيره بنوده
محبوك في طاروق مبني بتمكين=وارسل بعد لاهو مطلّسم طروده
لاكن افككها وانا حرّ وذهين=راعي عزم كاد المعادي كنوده
وآقول يابن حرب يامخلّص الدّين=من يجتهد بالوقت تثمر جهوده
ومايضيق في دنياه لو له معادين =رجّال فجبينه علامة سجوده
ورجل ٍ يودع دام ذكره على الزّين =اتشوف من نسله من يكمّل سنوده
واللي سكن فقصور ماهي من الطّين=يدهشك مبناها وقوّة ركوده
ماجرّب الحقران فمخيّم اجنين=الشّيخ فيهم دمعته في خدوده
النّاس في غفله عن الحقّ غاوين=محدن ٍ يهوجس بين قبره ودوده
ياكم قبيله شيخها من سلاطين=لجل المزاين قام يجمع نقوده
الحال مايل مير تشكي على مين=والحقّ كل ٍ عنه يبدي صدوده
لاكن لنا موعد وعلمي به ايقين=وعدّ النّبي واحنا نثق في وعوده
صهيون لو بارض الكرامه بقى حين=لابد له يوم ٍ يجدّل شنوده
ويعيش ابو متعب معين المساكين=رجّال لجل الحقّ بيّن صموده
ماهو بمتردّد بنصر الضّعيفين=وانروح له فدوّه وحنا جنوده

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله السنتكم الله يعافيكم

صح لسانك وبارك الله فيك وشكراً لك على تقديرك وتجاوبك وعلى التسميه ( سوربكين) احقيقة شرفتني بالرد والله يجملك ويجملنا .. واتمنى من الله اني قدمت مايليق بي وبك تحياتي

صحــت السنتكــم
دمتم برعاية الله وحفظة