البارحه 00000 وترجل الفارس 00 النايف

البارحه دمع المآقي تحدر=واجتاح سيله كل الإحساس فينا
البارحه حزن الليالي تجمهر=وأرخى ثيابه فوق فرْح السنينا
البارحه كل شيّ حولي تكدر=حتى القمر شفته ملثم حزينا
البارحه كيف أشرح البارح أكثر=مْن الفراق اللي سكن كل عينا
البارحه ترجل الحرّ الأشقر=نايف رحل والحزن خيّم علينا
البارحه لولا الرضا بالمقدر=ما كان في موتك يانايف رضينا
ولو كان موتك بالدموع يتقدر=رست على شط المدامع سفينا
مات الأسد مات العريب المظفر=وأحيا رحيله كل جرحٍ دفينا
مات اللذي في كف الأمجاد سطر=اسمه بصفحة نادر الراحلينا
البارحه قيد الروافض تحرر=البارحه تنفس الطامعينا
رحل عدو الخوف والفرس الأكبر=واِستبشر الإرهاب والرافضينا
رحل لكنّه قبل ما يرحل أشهر=سيفه محمد وألف نايف أمينا
مرحوم يا نايف عدد حرف عبر=وعدد ما تُتلى سورة المؤمنينا
وعداد من للبيت لبّى وكبر=وعداد من يرضى بالإسلام دينا
يامن بأمرك كل كاين مدبر=ترحم فقيد العُرب والمسلمينا
وتنير قبراً فيه ابو سعود يقبر=وتغشاه بالرحمه وبالطمأنينا

كُلُّ نَفْسٍ ذَآئِقَةُ الْمَوْتِ وَإِنَّمَاتُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِوَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ
تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة رابح الجحدلي

	كُلُّ نَفْسٍ ذَآئِقَةُ الْمَوْتِ وَإِنَّمَاتُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِوَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ تسجيل تواجد في منبر الجزاله صح لساانكـ بيض الله وجهك

صح بدنك ووجهك ابيض يا رابح

لا عدمناك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك يا فهد

لا عدمناك

الله يرحمه ويغفر له
سلمت..

	المشاركة الأصلية كتبت بواسطة تكفيني الذكرى

	الله يرحمه ويغفر له سلمت..

آمين يااااارب

تسلمين يا تكفيني الذكرى

لا عدمناك

صح لسانك وسلم بنانك وبيض الله وجهك

قصيده في غاية الروعة والجمال الله يعطيك العافيه

دمتم بخير

	المشاركة الأصلية كتبت بواسطة وليف الشوق

	صح لسانك وسلم بنانك وبيض الله وجهك قصيده في غاية الروعة والجمال الله يعطيك العافيه دمتم بخير

صح بدنك ووجهك ابيض يا بو منى

لا عدمناك

الله يرحمه ويغفر له
سلمت..