يكحلها ويعميها .

السلام عليكم ورحمة الله

اسعد الله مسائكم / صباحكم بكل خير

ابيات متواضعه مصافحه لكم ، آمل ان تنال استحسانكم .

.


وش حيلة اللي ليا من الصدر ضاقي

............................. ماعنده إلا لحون ٍ لــــــــــــه يغنيها

يقول رايق وهو بالــعــكــس ماراقي

.............................ماكنه إلا على نـــــــــفـــسه يمشيها

بناله ابراج شــــــــــم ٍ مالـــها راقي

.............................يبي عسى النفس فــــي بنيه يسليها

ابراج لكن بلا بيبـــــــــــان وأطياقي

.............................واثره لجا ضيقة ٍ بالصـــــدر يطغيها

وأنهد بني ٍ بناه ولا بـــــــقـــى باقي

.............................وأصبح كما اللي يكحـــلـــها ويعميها

كد قيل مايسقي العطشـــــــآن برآقي

.............................والنفس بالضيق فيها اللـــــي مكفيها






ودمتم سآلمين ..

سيف الهويملي صح لسانك

الله الله الله ياسيف هكذا الابداع

صح السانك ملايين يابن العم

قصيده رائعه وممتازه فلله درك

تقبل تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر
سيف الهويملي
صح لسانك
وعتلا شانك

سيف الهويملي
صح لسانك
بارك الله فيك

كد قيل مايسقي العطشـــــــآن برآقي
والنفس بالضيق فيها اللـــــي مكفيها.

كلمات في قمة الروعه.صح
لسانك مدد بلاعدد

صــــــــــــــح لــــــــســـــــــانــــك

قصيده رائعه

انت سيف مبارك الهويملي

اشكر من القلب كل من مر على هذه الصفحه واخص بالشكر

من اضاف تعليق إطراء واعجاب وحضور

فـ شهادتكم وسام وإشادتكم فخر

صح أبدانكم وطابت ارواحكم

آكاليل من الورد لعبق حضوركم .



عزيزي خالد .. مالك لوى ، انا سيف سمير الهويملي



شآكر ومقدر حضور الجميع

صح الله لسانك
ولاهنت
وسلم فكرك وبنانك
دمت برعاية الله وحفظة