فصيدة الفيلم

بسم الله الرحمن الرحيم


قصيدة الفيلم

الفلم جاهز عندنا ماعرضناه=موجود والتاخير ماهوب منا
مير البعير شعيل ماعاد يبغاه=بعد الهدير امست عظامه تثنا
نشدت زبن شعيل يازبن وش جاه=قال احمد الله جت على ماانتمنا
العام شيخٍ يطرب النفس ملفاه=نلفي ضيوف وكننا عند اهلنا
واليوم ياوجيه الوفا دج ملخاه=تكالبت دنياه منا ومنا
من يبخل بجاهه متى صار له جاه=لو كان عالم واكبر الناس سنا
حاطت بنا بعض الظروف ونخيناه= لامن ظلال ولاحفظنا رهنا
ماجيته اشكي الهم من سعر مقضاه=ادري عزومه دونها يقصرنا
لاشك انا جيته على شي يقواه=ارجي بروقٍ سيلها ماشملنا
يازبن لو انه تعذر عذرناه=ولو جات بسلوم العرب مازعلنا
مير البلا من طق صدره بيمناه=واطلق سهامه فالخلا وكذبنا
شاور ضعيف الراي واخلف نواياه=وارخا يدينه كن في يديه حنا
خايف يقدم شي فينا وننساه=لامن عسرات الليالي ضونا
حنا ليا قلنا كلامٍ حميناه=وليا مشينا كل دربٍ وصلنا
وليا نخانا مشتكي جور دنياه=يلقى المروه والوفا لازبنا
الشعر انا ذروة سنامه ومغناه=الجن اظنه في حروفي تغنا
قاضي ولبا دعوتي نخبة اقضاه = ارداهم اللي مثل سيف المثنى
ورتدهم عدٍ على شف مضماه=منه السبال الغانمه يسلمنا
عدٍ شحيح من البطا شاحبٍ ماه=وطيور بقعا في حيوده هونا
تشاورو دونه وكفو من ادناه=قالو حشا مايلحق مطير ظنا
الكل منهم ضمّد الجرح واخفاه=تقدير لن الوضع فينا ومنا
وش موقفك لو عّدّو اللي فعلناه=تقدر بعدها في منامك تهنا
موقف زرا صعبٍ على الرجل ينساه=وبلوىٍ بها رب العباد امتحنا
يلي تهوز الظلع منته بوياه=قدمك سباعٍ جارحه كد رقّنا
وان كنت تقدر ياابيض الوجه ترقاه=الحر لاجت فرصته ماتونا
الحق قبل لاتلحق امقاط وارشاه=اشوف من حولك قصورٍ تبنا
بايدي رجالٍ توصل العلم منهاه= عاندتهم يوم ان حظك تدّنا
من يعتمد مثلك على شور مرضاه=ماله صحيب ولارفيقٍ يثنا
يقضي حياته كلبوها بعمياه=يمسي ويصبح بين قالو وقلنا
وان شاف جمعٍ مايبى غير فرقاه=حنا ترانا الجمع والجمع حنا

تشاورو دونه وكفـو مـن ادنـاه=====قالو حشا مايلحـق مطيـر ظنـا
الكل منهم ضمّد الجـرح واخفـاه====تقدير لـن الوضـع فينـا ومنـا


الشاعر فهد العقيلي
صح لسانك وعتلا شانك قصيده قويه وموجهه
ومن فحوى القصيده تكلم عن موضوع داخلي
فهد انت شاعر جزل بما تعنيه الجزاله

	المشاركة الأصلية كتبت بواسطة سعد المحمدي

	تشاورو دونه وكفـو مـن ادنـاه=====قالو حشا مايلحـق مطيـر ظنـا الكل منهم ضمّد الجـرح واخفـاه====تقدير لـن الوضـع فينـا ومنـا الشاعر فهد العقيلي صح لسانك وعتلا شانك قصيده قويه وموجهه ومن فحوى القصيده تكلم عن موضوع داخلي فهد انت شاعر جزل بما تعنيه الجزاله

لاهنت اخوي/سعد المحمدي

صح بدنك ملايييييين شهادتك غالية من غلااااااااك ومرورك اسعدني

تقبل فائق الاحتراااام والتقدير

اخوك/عبدالرحمن العقيلي

الشاعر عبدالرحمن العقيلي
صح لسانك
بارك الله فيك

	المشاركة الأصلية كتبت بواسطة فايزموسى البشري

	الشاعر عبدالرحمن العقيلي صح لسانك بارك الله فيك

صح بدنك اخوي فايز

اسعدني مرورك

لاهنت

صح لسانك وعتلا شانك قصيده جزلة
بيض الله وجهك

	المشاركة الأصلية كتبت بواسطة العطيب

	صح لسانك وعتلا شانك قصيده جزلة بيض الله وجهك

لاهنت ياالعطيب اسعدني مرورك

صح لسانك يالمطيري

ونعم بك وبقبيلتك وبالعقاليه كلهم

شاعر وصح لسانك وشرفتنا بملتقى حرب

	المشاركة الأصلية كتبت بواسطة فهد الوهبي

	صح لسانك يالمطيري ونعم بك وبقبيلتك وبالعقاليه كلهم شاعر وصح لسانك وشرفتنا بملتقى حرب

صح بدنك ملاييييييييييين
يافهد ولاعليك زود والشرف لنا طال عمرك بتواجدنا بينكم

تقبل تحياتي

صح لسانك مدد بلا
عدد