رباح لادارت صواديف الاهوال

السلام عليكم ورحمة الله وبركاته
خاطره تعبر عن ما بالصدر جائت كما هي واستلموها

لاوالله الا ودع اليوم رجال=عز الله انه راح شيخ القبيله
شيخٍ يقود الجمع لاشهب اللال=جمع الحروب اهل السيوف الصقيله
رباح لادارت صواديف الاهوال=يرسي كما ترس الجبال الثقيله
لاثقلت القالات للصعب حلال=عنده تحل المعضلات الجليله
حلي مانع يوم للخيل خيال=ينحر جموع القوم فوق الاصيله
كريم سبلا للمشاكيل مدهال=مثل الربيع الي يشوق نزيله
ليت البني لاحملن وجابن عيال=يلدن مثل رباح نفس الفصيله
عليه دمع العين بالحيل همال=عيني تصبه مثل صب المخيله
ياليت لي قدره على الموت واحتال=لافدي رباح محاربين الجميله
يالله يامنزل تبارك والانفال=يامنجين ذالنون ومنجي دخيله
يالي خلقت الكون في ستة إليال=عندك رباح اليوم فارق خليله
اسألك تجعل منزله خير منزال=وتعوضه بالدار دارٍ بديله
دارٍ بها جنات وانهار وضلال=آمين يالمعبود رب الوسيله
والختم ماقلناه في مبدا الاقوال=مبدا البيوت الواظحات القليله
لاوالله الا ودع اليوم رجال=عز الله انه راح شيخ القبيله

الشاعر القدير

ابو هليل

صح لسانك وعتلا شانك

جزله من جزل

والشيخ رباح بن طعيميس

فقيده على حرب

الله يرحمه رحمه واسعه ويدخله

فسيح جناته

بيض الله وجهك يابو هليل

	المشاركة الأصلية كتبت بواسطة سعد المحمدي

	الشاعر القدير ابو هليل صح لسانك وعتلا شانك جزله من جزل والشيخ رباح بن طعيميس فقيده على حرب الله يرحمه رحمه واسعه ويدخله فسيح جناته بيض الله وجهك يابو هليل

لاخلا ولاعدم يابوتركي
شرفت هذا المتصفح بتواجدك لك مني جزيل الشكر والتقدير
والله يغفر لابوعبدالله ويسكنه فسيح جناته

الله الله يالاسطورة على هذه الشامخة
صح لسانك يابو هليل ورحم الله رباح رحمة واسعة عز الله فقيدة على حرب وعلى القبايل جميعها


بيض الله وجهك يابو هليل

	المشاركة الأصلية كتبت بواسطة شأس نجد

	الله الله يالاسطورة على هذه الشامخة صح لسانك يابو هليل ورحم الله رباح رحمة واسعة عز الله فقيدة على حرب وعلى القبايل جميعها بيض الله وجهك يابو هليل

ابوغيث
شرفتني بهذا التواجد لاخلا ولاعدم
وعسى الله يغفر لابوعبدالله ويسكنه الجنه

ارحب يابوهليل عسالله يرحمه ان شالله

صح لسانك ولاهنت مبدع

أحترامي

	المشاركة الأصلية كتبت بواسطة أبو أجوان

	ارحب يابوهليل عسالله يرحمه ان شالله صح لسانك ولاهنت مبدع أحترامي

صح بدنك
شرفتني بتواجدك لاخلا ولاعدم
والله يغفر لابوعبدالله ويسكنه الجنه

الشاعر الجزل

والاخ العزيز


ابو هليل


صح لسااانك مليار على المرثيه الصادقه والحزينه

والتي تكلمت بها عنك ونيابه عن كل حرب وما الم بها من حزن

في فقيدها المغفور له بأذن الله

الشيخ رباح بن مريخان رحمة الله رحمة واسعة واسكنه فسيح جناته

	المشاركة الأصلية كتبت بواسطة حمدي العوفي

	الشاعر الجزل والاخ العزيز ابو هليل صح لسااانك مليار على المرثيه الصادقه والحزينه والتي تكلمت بها عنك ونيابه عن كل حرب وما الم بها من حزن في فقيدها المغفور له بأذن الله الشيخ رباح بن مريخان رحمة الله رحمة واسعة واسكنه فسيح جناته

لاخلا ولاعدم اخوي حمدي
شرفت هذا المتصفح بتواجدك لك مني جزيل الشكر والتقدير
والله يغفر لابوعبدالله ويسكنه الجنه

صح لسانك يابو هليل ورحم الله رباح رحمة واسعة عزالله انه فقيدة
على حرب خاصه وعلى القبايل عامه
بيض الله وجهك يابو هليل
دمت كما تحب