( عندي لك مخطط وخمسه حـواري=وفي كل برج بحي مكتـب عمالـه )...

23-12-11, 08:29 PM

/
/
/
/
/
/
/
/
/
/
/
/
/

بدع الشاعر / خالد بن عبيد بن معتوق الاحمدي

الخط في معناه مااحتار قـاري=يعرف مضامين الطلب من خلاله
وانا كتبت الخط حسب اختياري=واقول يافـواز فـوح الرسالـه
اياك نعني واستمع لي ياجـاري=هذا مثل صاحبك طبّـق مقالـه
لوكان لك بالحي مكتب عقـاري=ومن سمعته بالطيب كلاً عنالـه
لجل التجاره فيه ناس ٍ حراري=والارض لوغليّت تباع بسهالـه
وصدفه عمتّك فيه بايع وشاري=يمديك تاخذ من صحيبك دلالـه
ولاّ تقول بصوت عيب وحذاري=مثلك عزيز ولا طمعنـا بمالـه
شرواك مثل اللي لالفاني بداري=يامر على روحي وقلّـه حلالـه
ولي مارباً بالعلم من زود ناري=وانشدك يافواز لجـل العدالـه
ومبغاك يافواز ليّـه تمـواري=الرجل يعرف بين جدّه وخالـه
وانا اعرفه معدنك ماهو تجاري=اصيل ماتترك علـوم الاصالـه
لاكن بغيتك بالمعانـي تثـاريوي=اما حلا هرج الرجل في مجاله

رد الشاعر / فواز بن محسن الزويهري

حي الجواب اللي بحرف انتحـاري=قاله عميـد الشعـر لغّـم سؤالـه
عندي لك مخطط وخمسه حـواري=وفي كل برج بحي مكتـب عمالـه
لجلي من أهل الشان وأهل الثواري=والسوق ما يبغى قليـل الشكالـه
وإن كنت قاصد يمّنا لك طـواري=أركب على موتـر جديـد ٍ وكالـه
وفوقك من بشوت الحسا كالخداري=وشماغك البسـام نكّـس عقالـه
وأنا صريـح ولا لمثلـك بـداري=عارفـك رجـال ٍ يبهّـر دلالــه
ماتقبل البخسه ولا لـك مسـاري=في دروب يعوي ذيبها في جبالـه
حضّر لنا شيكك على حساب جاري=وكل ٍ على جهـده يحقـق منالـه
ناس ٍ عطيناهم فوسط الصحـاري=ونساس ٍ فوسط الغزه إلهم نزالـه
يابن عبيد الوقت هـذا حضـاري=ناسه تعرف الطيب تدرس خصاله
واللي يدسّ الحق مفضوح عـاري=وليـا ورد للعـد تقصـر حبالـه
والفلك ماتجـري بليَـا سـواري=والعيـد يعـرف ياالفهيـم بهلالـه