الغموووض ...... الوووضوح

طرت وجرت اقبلوها يوم جرت ::

الغموض يفك باب الريبــــــــه = والوضوح أصحابنا يزعلهـــا
صارح الأصحاب تلقى غيبــــــــه = وكان تبغى مدحها جاملهـــا
تخطي المقصود وإلا تصيبـــــــه = المهم الناس وش حاصلهــــا؟
ذا نظامً للولد والشيبــــــــه = والنظام أكبودنــا دابلهـا
طاح ركن البيت من تنصيبــــــه = والبلا بالطوبه وعاملهــــا
وإن كتبنا كلمتين أمصيبــــــه = تخلف العربان وجه أولهـــا
ومن توهق مايقر بعيبــــــــــه = لين يفقد حجته بأكملهــــا
يتورسل كلمةً تهـــــويبــــــه = والرجال رجال لو يجهلهـــا
كل قصر يشدنا تركيبــــــــــه = نحتفي في بنيته ما أجملهـا
وكل قصرً ملتويبه سيبـــــــــه = مايشيد أبنيتــه نازلهـــا
والبنادم يقنعه تجريبــــــــه = لو تجيه المخطيه يكفلهـــا
أفحص المقصود قبل تجيبـــــــه = ياوليدٍ بدلته بدلهــــــــا
ثار عرقك والدمي .. تجريبـــــــه = روح وأنقض غترتك .. وأفتلهـــا
الكلام الشين يمسح طيبــــــــه = كان تقدر فرها وأعزلهـــــا
والأوادم هــرجها ما لي بــــــه = رغم كل إلغاتها حاملهــــــا
ذا زمانً مايكشّر ذيبــــــــــه = والحصيني صيدته ما أسهلهــا

الله الله الله
الشاعر الكبير
فهد مطلق
صح صح صح
لسانك قصيده
جزله جزله
من شاعر جزل

	المشاركة الأصلية كتبت بواسطة فتى تبوك

	الله الله الله الشاعر الكبير فهد مطلق صح صح صح لسانك قصيده جزله جزله من شاعر جزل

صح بدنك فتى تبوك

وبارك الله فيك على المرور

لاهنت

فهد مطلق السليمي

صح لسانك واعتلا شانك

قصيدة مبطنه كثيره ؟؟؟ ولملتقى مخصوصه

ولكن بها فائدة كبيره ... تشكر عليها

وفعلا يجب بين ابناء العمومه التكاتف والالفه والمحبه

بدلا من الجدال واللغط بالالفاظ

صح لسانك ملايين ابو مطلق

كفو كفو كفو فهد

	المشاركة الأصلية كتبت بواسطة فهد السيف

	فهد مطلق السليمي صح لسانك واعتلا شانك قصيدة مبطنه كثيره ؟؟؟ ولملتقى مخصوصه ولكن بها فائدة كبيره ... تشكر عليها وفعلا يجب بين ابناء العمومه التكاتف والالفه والمحبه بدلا من الجدال واللغط بالالفاظ صح لسانك ملايين ابو مطلق كفو كفو كفو فهد

فهد السيف

صح بدنك وبارك الله فيك

والقصيدة لآ أقول أنها للملتقى ولا خارج الملتقى

والمعنى بعيد .. قريب

لآهنت على المرور

وبيض الله وجهك

صح صح صح
لسانك قصيده
جزله جزله
من شاعر جزل

الـكـلام الـشـيـن يـمـسـح طـيـبـه
كــــان تــقـــدر فــرهـــا وأعـزلــهــا
والأوادم هـرجـهـا مـــا لـــي بــــه
رغــــم كــــل إلـغـاتـهــا حـامـلـهــا
ذا زمـــــــانً مـايــكــشّــر ذيـــبــــه
والحصيني صيدته ما أسهلهـا

صح لســانك وبـيـض الله وجهـك يالجـزل
دمـــت بخـير

قصيدة اكثر من رائعه

وبها حكمة وجمل مفيده للجميع

اثني على شاعرها فهد بن مطلق السليمي

ولكن يجب علينا جميعا

العمل بها

وهي الوضوح بالرد وعدم المجامله

مهما كان قايل القصيده

كذا فهمت وبكذا رديت

وللسليمي رده الاخير

ان كنت صح أو غلط

وللجميع احترامي ومحبتي

مشالله تبارك الله
والله قصيده رائعه يافهد
سلم لنا هذ البوح الشعري الجمييل
دمت كما تحب

الشاعر الكبير
فهد مطلق السليمي
صح لسانك وعتلا شانك
على القصيده الجزله الحقيقه نص راااااااائع
بروعة حظورك المميز
لم تكتب من فراغ يابو مطلق تعي ماتكتبه لو حرف واحد
لانحب التكهن ونقول كتبة من اجل هذا وهذا
امامنا نص رااااااااائع
مرصع بالذهب نقرى ونستفيد بدون اقحام القصيده وشاعرها في
مواضيع عكسيه حيث القصيده في قسم القوافي وليسى في قسم النقد حتى
يكون لنا الحريه في نقد
تحياتي وتقديري
ياشاعرنا الجزل
فهد مطلق السليمي