بن سنيد الجابر لا تنقزه

ياللي نويت تحج ثم عقبه تزور = أبن سنيد الجابري لاتنقزه
سلم عليه مادمت في رحلة عبور = عطه الهديه بشت منا مطرزه

ياللي نويت تحج ثم عقبه تزور=أبن سنيـد الجابـري لاتنقـزه
سلم عليه مادمت في رحلة عبور=عطه الهديه بشت منـا مطـرزه

صح لسانك يا العمري

اثرك عندك كل تصريف الامور=يكفيك عن تفصيل علمي موجزه
محمد اخفى اسمه ولايبغى الظهور=ليته حذاء حذو ابن عمه وابرزه

هههههههه اوووه محاوره بين بني عم بعد الميقاف مع من


لاهنتم وبيض الله وجيهكم

وانتبه ياواحد من حرب من اللي لونه بالاحمر بن سنيد


متااابع


ودمتم بخير

	المشاركة الأصلية كتبت بواسطة محمد عبدالله البدراني

	هههههههه اوووه محاوره بين بني عم بعد الميقاف مع من لاهنتم وبيض الله وجيهكم وانتبه ياواحد من حرب من اللي لونه بالاحمر بن سنيد متااابع ودمتم بخير

مرحبا بك يابن عبدالله

صدقت لكن خلك بيننا وانت قاضينا منا وفينا
متابعتك مطلوبه ياكفو

ياسلام
صحت السنتكم

وبيض الله وجيهكم

ذيب العاقر

حياك وصح بدنك ياذيب

لون يا بن سنيد على كيفك

يالجابري تراك عمري ومخبور= عندك نظر لكن عيا يمييزه
اسمي يكفيني ولايمكن يبور = مير انت راسك بالشكوك متيزه

	المشاركة الأصلية كتبت بواسطة واحد من حرب

	لون يا بن سنيد على كيفك يالجابري تراك عمري ومخبور= عندك نظر لكن عيا يمييزه اسمي يكفيني ولايمكن يبور = مير انت راسك بالشكوك متيزه

ماني بقايل فيك يالعمري قصور=لكن خصمك ضلع مانته محرزه
ماودي احط الجنايز فالقبور=و اعلن خبر للراديو والتلفزه

	المشاركة الأصلية كتبت بواسطة عبدالله سنيدالحربي

	ماني بقايل فيك يالعمري قصور=لكن خصمك ضلع مانته محرزه ماودي احط الجنايز فالقبور=ولا اعلن خبر للراديو والتلفزه

جاني خبرك العام يالرجل الصبور = قال العمل بيداه عيا ينجزه
حول بديره مابها غير النمور = شاف المدافع بالحروب مركزه

	المشاركة الأصلية كتبت بواسطة واحد من حرب

	جاني خبرك العام يالرجل الصبور = قال العمل بيداه عيا ينجزه حول بديره مابها غير النمور = شاف المدافع بالحروب مركزه

صح لسانك

نجز العمل يبقى لبناي القصور=والا الشيوخ مكرمه ومعززه
تبقى الجبال جبال يبقى الثور ثور=واصغر جبل فالكون يشغل حيزه