الــذيــب الامــعــط

السلام عليكم ورحمة الله وبركاته ..



اخواني واخواتي اعضاء ملتقي حرب الرسمي..



احببت ان اضع بين أيديكم قصيده من قصايدي..


اتمناء ان تنال على الرضاكم ..

الله من قلب (ن) من الهم منزط=خطر(ن) على عروقه تطق وتفجر
تسبح به همومه كما يسبح البط=يالين خلنَه سوات المخدر
تردت عزومه وبالحيل محبط=من هول ما شافت عيوني تفطر
تعبت يابن اخي وانا اشيل واحط=مير انها عيت تزين وتيسر
كل ما مني توجهت مع خط=ابغا اتعيش منه وابغا اتستر
يصير في دربي عراقيل وانقط=وابلا سبب قدام عيني يسكر
وقت (ن) على الاجواد وضعه تلخبط=انا اشهد انه بالاجاويد حدر
ماعاد للطيب مكان (ن) ومهبط=ولاعاد له قيمه ولاهو يعبر
اقفى زمان الحر والذيب الامعط=الي على الماجوب والطيب تقدر
وجانا زمان البوم والفار والقط=وصفالهم جو (ن) على الذيب غبر
راع الفلوس بكل مجلس يقلط=من وين ما وجه سموه مقدر
لو هو خبيث الطبع وانسان منحط=من بين خلق الله حجمه مكبر
والا الفقير الي من الطيب يغبط=ماله ياكود بهالزمان يتصبر
حاله كما حال السجين المربط=والا كما حال الكسير المجبر
قلته من الي شفت ماني ملخبط=وماقل دل وكل شي (ن) مقدر

أخوكم / محمد سالم هادي الطريسي الحربي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر محمد سالم الطريسي
صح لسانك وبيض الله وجهك
قصيده هادفه وواقعيه
ماعاد للطيـب مكـان (ن) ومهبـط =ولاعـاد لـه قيمـه ولاهـو يعبـر
الطيب لازال عند الرجال اللي مثلك وشرواك له قيمه ومقدار
تحياتي وتقديري

راع الــفــلـــوس بـــكــــل مــجـــلـــس يــقـــلـــط = مـــــن ويـــــن مــــــا وجــــــه ســـمـــوه مـــقـــدر
لـو هــو خبـيـث الطـبـع وانـسـان منـحـط = مـــــن بــيـــن خــلـــق الله حــجــمــه مــكــبــر
والا الفـقـيـر الـــي مــــن الـطـيــب يـغـبــط = مــــالــــه يــــاكـــــود بــهــالــزمـــان يــتــصــبـــر

صح لسانك مليون قصيده معبره وهذا الزمن ماله الا الصبر
مره اخرى صح لسانك تقبل مروري

السلام عليكم ورحمة الله وبركاته
سلمت ودمت أخوي الشاعر محمد بن سالم الطريسي على القصيدة .
.
.
جزله ورائعه وصح لسانك
أخوك ابوساره

اشكر جميع من عطر متصفحي والله لا يهينكم جميعن
وريكم ونتقادتكم تهمني كثير

صح لسانك يالطريسي وبيض الله وجهك تقبل تحياتي ابوعايض

	المشاركة الأصلية كتبت بواسطة هداج تيماء

	صح لسانك يالطريسي وبيض الله وجهك تقبل تحياتي ابوعايض

صح بدنك يا بو عايض ولله لا يهينك شرفتنا في مرورك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ولا هنت