,, أنا خليلي صافي القلب مرتاح

السسسسلام عليكم


هذي قصيدة كتبتها من فترة
وأحببت تشاركوني قراءتها

أقول:

أنا خليلي صافي القلب مرتاح=توأم لأيام المرح والطفولة
لأهل اليمن وضاح وللشام وضاح=نفسه على درب المراجل رحوله
لا قلت مزَّاحٍ فهو خير مزاح=يمزح ولايكذب فمزحه وقولة
من جالِسه يلقى الأدب عطر فواح=وعذوبة المنطق حلال السيولة
ولا قلت رزاحٍ فلا هو برزاح=لاالرزح طبعٍ له وتكرم سبوله
حماي ساقه ما هو بزيف وأمزاح=صَخَّرّ على أسباب المشاكل حلوله
ولا قلت نصاح فهو صدق نصاح=ونصح الصديق أحرى يلاقي قبوله
لو شاف في دنياه له سد ما باح=ما يوم فالأعراض دقت طبوله
همسه على جروح المشاعر والأجراح=مثل الدواء قلوب الحزانا يجوله
عاصر مابين أفراح وقته والأتراح=يستنهض الماضي بفعل الرجولة
يأخذ من قلوب المحبين الأرباح=ويهدى لأحبابه وسام البطولة
يا صاح ... لامن جاك با الله يا صاح=حيِّه وحي من هو يوافق ميوله

وسلامتكم

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة رابح الجحدلي

	¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

هلايارابح منورنا
أسعدني مرورك وحضورك الكريم . دمت بخير

صح لسانك وبيض الله وجهك

	المشاركة الأصلية كتبت بواسطة نديم المجرة

	صح لسانك وبيض الله وجهك

ماعليك زود
صح الله بدنك واسعدني حضورك
دمت بخير

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة سالم الفريدي

	صح لسانك .. .. أسجل اعجابي بالقصيدة .. ويعطيك العافيه ..

هلا ياسالم الفريدي
صح الله بدنك واسعدني حضورك
دمت بخير

لاهنت وصح السانك

تقبل التقدير والاحترام

وفقك الله

	المشاركة الأصلية كتبت بواسطة الجرح

	لاهنت وصح السانك تقبل التقدير والاحترام وفقك الله

يامرحبا ياالجرح
صح الله بدنك واسعدني حضورك
دمت بخير

ياســـــــــــــلااااام على الابــــــــــــــــداااااع

صح لسانك مليوون وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير