ارجوك خلك كذا في برجك العاااااااااااااجي ......

ارجوك خلك كذا في برجك العاجي=وخل البشر تحترق تطفي حرايقها
مدام برجك هذا ما وافق ابراجي=الناس تفرق كذا. طبعاً خلايقها
واذ انت مرتاح ليش اتحاول ازعاجي=خل النفوس المريحه لا تظايقها
صاحبك مايستمع في هرج هراجي=وبعض السوالف تراى ماني بطايقها
مافيه داعي تجي والمقصد احراجي=تدري معزتك في قلبي وثايقها
لك نهج واضح وانا ماخلفت منهاجي=اسوقها غصب لو ماني بسايقها
من قبل لادخل اكون اكدت مخراجي=والناس ماني مكلف في حقايقها
فتش عن اللي يخصك داخل ادراجي=وجنب جميع البشر وترك سوايقها
وان كان ولعت لك شمعه من سراجي=حافظ على شمعتك من كف بايقها
اخذ النصيحه وعيش افبرجك العاجي=خل البشر تحت وتصالي حرايقها

صح السانك صح السانك صح السانك

وفالك المليون .

صح السانك صح السانك صح السانك

وبيض الله وجهك

صح لسانك اخوي ناصر الحربي
بيض الله وجهك على القصيدة الرائعه
اخوك الحب الباقي
دمت بخير

الشاعر ناصر الحربي

صح لسانك وعلي شانك على القصيدة الرائعه

يعطيك العافيه

صح لسانـكـ وعـلا شانـكـ ...
رائعـة من روائعـكـ ... كما عودتنــا ....
لا عدمنـــاكـ يالغالي
تحياتي

صح لسانك على القصيدة الرائعه

وبيض الله وجهك

وننتظر جديدك وابداعك

	صح لسانك شاعر رائع وقدومك اروع بيض الله وجهك على القصيدة والابيات الرائعه الله يعطيك الف عافيه

كلمات تعبر عن الاحاسيس الصادقة والنابعه من القلب ...
هذا اللي عودتنا عليه دوووم ...

مشكووور اخوي الشاعر ناصر الحربي