محاوره بين الشاعر الهاب الوسيدي وشاعر الخليج صياف الحربي

* الــهـــاب الــحــربــي: =
يا السحيمي ترى بيني وبينك حـدود=كل واحد علـى حـده ويرجـع وراه
انت حدك من أطراف القصيم وتعـود=والوسيدي مسك حد الشمـال وحمـاه

* صــيـــاف الـحــربــي: =
انتبـه للجمـال تسـوق ولا تـقـود=كل جمال يأخـذ بندقـه مـع عصـاه
حدي الشام والبصرة وعندي شهـود=وانته احفظ كتابـك والقلـم والـدواه

* الــهـــاب الــحــربــي: =
لا تضيع العلـوم ولا تبيـح السـدود=سوقها ليـن ياصـل علمنـا منتهـاه
ما يقضي نهار الكون غيـر الشـرود=كل ما كبرت الهوشـه عطاهـا قفـاه

* صــيـــاف الـحــربــي: =
امش يالهاب والهب والركود الركـود=وانتبه للفقير اللي غضب عن عشـاه
وامسك الأرض يالين المسافر يعـود=والبنادم الياجاب العشـاء مـا عـلاه

* الــهـــاب الــحــربــي: =
يا مدير الخزانـة لا تـروح النقـود=في نهار يصير الفقـر مثـل الغنـاه
جيت أبا أزعل على صياف والياه عود=مير قولوا لبن عـواد يصلـح خطـاه

* صــيـــاف الـحــربــي: =
فيه ذيب يغيـر وفيـه ذيـب رقـود=وانت حط العشا بالقدر قبـل اتغطـاه
ليلة السبت تنظر في شـرار الزنـود=والحقيقة لبست الثوب فـوق العبـاة

* الــهـــاب الــحــربــي: =
الذيابه سوا من عصر عـاد وثمـود=غير واحد سنونه طايحه مـن جمـاه
حرب دايم علمها فوق راس العمـود=اذهن الداب يوم انك قلبـت الحصـاة.

*صــيـــاف الــحــربــي: =
الرجـال الكبـار تحـك عـود بعـود=وانت مدري تحك العـود والا اللحـاه
حرب قوم الحرابة قبل عشرة عقـود=دارهم مـا يمـوت ولا يظلـم سمـاه

* الــهـــاب الــحــربــي: =
الرجـال الكبـار مقـيـده بالقـيـود=مير صياف ابـن عـواد هـذا بـلاه
بعض الأيام بيض وبعض الأيام سـود=وانت مدري تحب الموت والا الحيـاة

يعطيك العافيه ومشكور على النقل
الشاعر لهاب الوسيدي شاعر كبير وله بصمه واضحه
ولكن قل تواجد بلايام الاخير ه
بعكس الكثره المتراكمه لشعراء وغير الشعراء

بيض الله وجهك. ولاهنت

شرررفني مروركم وبيض الله وجيهكم

الله يعطيك العافيه

بيض الله وجهك

شرررفني مروركم وبيض الله وجيهكم

رحمة الله على صياف
وأطال الله بعمر إلهاب
والله إن إلهاب خير من
يمثل حرب في الوقت
الحالي ومع إحترامي و
تقديري لكل شعار حرب


تحياتي : ياسر اللهيبي