الـــصــــداقـــه

ياناشدً وشلون معنى الصداقه=أعطيك عن معنى الصداقه تفاصيل
أعطيك عن معنى الصداقه بطاقه=بطاقه فيها رموز وتحاليل
صداقه تبنى بعرف ولباقه=وصداقتن تبنى لكسب المحاصيل
وترا الصداقه شد حبل العلاقه=وتبادل المعروف بين الرجاجيل
ولالي علي بعض الصداقات فاقه=حيث ان طبع الحر مايقبل الميل
واللي تلزم بالسلوك الدقاقه=ماميز المظهار قبل المداخيل
ما كل هرشن له على الحمل طاقه=ولا كل من توفيقه يوفى لك اكيل
وانا احمد لله يوم مالي علاقه= مع واحد شفته يشن المصاويل
بالهرج يهدي لك من الورد باقه=يحط لك منزل مع الجدي وسهيل
لكن ياراع العلوم السباقه=بالتجربه عشنا واخذنا دواليل
كابك مع الاجواد عايش علاقه=الهون مانرضاه يابارد الحيل
وان كان مشروهك على درناقه=شرهتنا وصلت لشرب الفناجيل
ياللي تعلم باليتيم الحلاقه=عليك تكبيره وصيحه وتهليل
ياسارق علوم النشاما اسراقه=أمنالتويبع ماحديذكرالسيل
لاطول الله عمر ذيب الرفاقه=لمتابع الغرات يشري درابيل
تلقاه في وقت المهمات عاقه=لاينطبخ لاينشوي مثل ماقيل
هذارله في كل جمع انطلاقه=صاحي وكل الناس عنده مهابيل
ون شاف حمل حط فوقه وساقه=ردي حظ اشعاره القال والقيل
الله يوفق كل طيب فراقه=آمين يارب دمر صاحب الفيل
ياللي تعشقون المعالي اعشاقه=الواجب انه يعتبر من اسرائيل
هذا منافق لو لزم عهد باقه=ماينقص رجال المواجيب لازيل
اعطيت عن معنى الصداقه بطاقه=واعطيت عن راع النقيلي تفاصيل

الشاعر علي الحصني

صح السانك يالغالي

الله يبيض وجهك

قصيدة ورائعه

تحياتي وتقديري
عاشق بريده

عـــــــــــاشق 00بريده00
مشكور جزيل الشكر على
مرورك الكريم وشهاده
منك فخر وعتزاز
تسلم وتدوم

الشاعر علي الحصني

صح لسانك وماقصرت يالغالي

وبيض الله وجهك

تحياتي لك
الصـ الجارح ـقر

شاعر المحاوره علي الحصني

صح لسانك

وبيض الله وجهك يالغالي

اخوك
سلطان

الشاعر علي الحصني

صح لسانك وماقصرت يالغالي

وبيض الله وجهك

تحياتي لك

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

الصقر الجارح مشكور على مرورك الكريم وردك المشجع
بارك الله يك وهلابك

علي الحصني

صح لسانك

جزله من رأس جزل .

تحياتي لك

الشاعر الكبير/ علي الحصني

صح لسانك

وبيض الله وجهك يالغالي

وأنشهد انك حللت الصداقة خير تحليل


بقالب شعري متقن لايتقنة سوا الكبار