بيني وبين الشاعر عبيد السيد ابو سامر

عقيد الخيل=
ســلام ابــدا كـلامـي بـــه=عـذب القـوافـي تواسيـهـا
يالشاعـر الـي نفاخربـه=نبغى لحن في هقاويها
عبيد السيد=
يامرحبا بك واثنــــي به=وكل المســـرات نبديها
لراع اللحن في تراتيبه=والقاف متقن مباديــها
عقيد الخيل=
عسـى البـقـى يامهليـبـه=تقنص وغيـرك يباريهـا
هب الهوا في مشاريبه=جفـف لـه اللــي يواكيـهـا
عبيد السيد=
مازود عنكـم ونطري به=غير العمر في مشاقيها
والخير من ربنــــا يجيبه=من راقبه ما يخاطيـــها
عقيد الخيل=
من بعد ماطـال تدريبـه=حسب الدراسـة يراعيهـا
يئسو على كف تغريبه=مابـه امــل فــي مراويـهـا
عبيد السيد=
كان العشم قبل يرميبه=يجربه في ملاويـــــــها
لو ما بتر سيف تضريبه=هوَّن ويســـلم بلاويها
عقيد الخيل=
من جذع ساسه يناخيبه=يطلع رفل من مصافيهـا
يــاذا الـزمـن فــي تراكيـبـه=غدره حكـم فـي عراجيهـا
عبيد السيد=
لو المنى مع مطاليبه=كلٍ تمنى و يرجيــها
لكنها اقدار تجري به =والنفس تذعن لباريها

صحت اللاسن وبارك الله فيك اخي العقيد ابداع منك ومن استاذنا ابو سامر الله يعطيكم العافيه


اعذب التحايا واصدقها

دمت بود

ياسلام عليكم وصحت الستنكم وبيض الله وجيهكم



ابداع وحرف ومعنى رنان ورايع



الله يبارك فيكم

صحت السنتكم

تقبلا تحيتي وتقديري

صح لسانك أخي عقيد الخيل ولسان الشاعر عبيد السيد

على هذا اللحن الغزير المعاني

ووفقك الله ورعاك