لحن مع الغالي والقدير ابو طلق

ابوطلق=
سلام يا صاحبي صافي=مثل العسل يبري الاجراح
واسأل عسى وقتكم كافي=بآخذ واعطي معك يا صاح
بخيتان =
ترحيب منا لكم وافي=عبير ريحه زهر لا فاح
لو كان من أجلكم يافي=يا برق في جونا قد لاح
ابو طلق=
عسى البقا واستلم قافي=لعل عندك دوا وارتاح
لاشي بين ولا خافي=والضيق في داخلي سواح
بخيتان=
لازلت مجهول فأكشافي=يامن شكي مشتكاه وناح
ياضيف في دارنا لافي=للآن علمك لنا ما باح
ابو طلق =
٠لاتنشغل بي عن إسعافي=وياتيك اسمي بدون إلحاح
وانكان عندك خبر شافي=هاته ترى اعطيتك المفتاح
بخيتان=
يامن فبحر الهوى طافي=نحتاج من حضرتك إيضاح
إن طعتني تفز متعافي=وتصير بعد الدواء مرتاح
ابو طلق=
طاري علي قلبي خلافي=ومدري بقالي هنا أو راح
إن جيت أدور سبب مافي =والهم في داخل مجتاح
بخيتان =
مدام ماشي ينشافي =غير الوساوس لها نضاح
لا تسبب لنفسك أتلافي =والهم لابد ما ينزاح

صحت السنتكم ياشعار

	المشاركة الأصلية كتبت بواسطة قناص البرامج

	صحت السنتكم ياشعار

صح بدنك ولاهنت

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك ولاهنت

شكرا على الابداع

تقبلا تحيتي وتقديري

وكل عام وانتما بخير

	المشاركة الأصلية كتبت بواسطة همس القوافي

	شكرا على الابداع تقبلا تحيتي وتقديري وكل عام وانتما بخير

تسلم ولاهنت

الاخ بخيتان البشري الكبار يبقون كبار

	المشاركة الأصلية كتبت بواسطة سعد المحمدي

	الاخ بخيتان البشري الكبار يبقون كبار

تسلم ولاهنت

كلااااااااااام جميل و راقي

ابو البخت .. ابو طلق

صحت السنتكم و بيض الله وجيهكم

و الله يعطيكم العافية