قالوا تقول الشعر قلـت ايـه اقولـه

	الشاعر / سعود بن صالح الحصني

	قالوا تقول الشعر قلت ايه اقوله=لكن ما اقوله على غير معناه ماني من اللي دوم تقرع طبوله=يشن هجماته ولا يرهب اعداه لا شاف طفقين العرب صفقوله=قام يتكسر ويتهايل من اقصاه باسبوع ياخذ له ثلاثين جوله=ولافيهن اللي تشتقيله وتقراه يحسب كثر الشعر كسب البطوله= ما يدري ان الشعر به داه ودواه به داه لا جيته على غير اصوله=ودواه كانه وافق الكي مكواه قلته عقب ما قست عرضه وطوله=وشفت الهدف قدمي وجودت مرماه ولا قلت قول اجوده عن ميوله=ولا اترك مجال لناقد الشعر يقفاه الشعر كنز مبهماتٍ قفوله=حصن منيع ان ضيع الخصم مسراه لكن يابغى من رجاله زحوله=ماكل ماثارت عجاجه تنصاه يبغا رجالٍ ترفعه عن سموله=وتنزله منزال عالي وترفاه وبعض التقصر يالنشاما رجوله=ومن طال عمره يا صل اللي تمناه لابد ما تكثر على الماء نزوله=وياصل لمقصوده ولا يجيه ماذاه ومن قام يرثع كل وادٍ يحوله=اكيد يمشي به على غير مشهاه يبي يشوف من الشعر ما يهوله=وايضا إن ياسمله على الكبد عرقاه وبعض التصنع بالدعاوي هزوله=اليا صار ما شوف الرجل قطر ممشاه وبني على المجهول ساس الجهوله=ومن ما مسك راس الرشا ما شرب ماه وكلٍ على ما قيل يلقى محصوله=وجميع ما يزرع يحصده بيمناه هذا كلامٍ مختصر به حلوحله=للي نشد عن قاصي الشعر وادناه وعداد قطرات المطر والطلوله=صلو على اللي نزه الله مزاياه

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

ابدعت



صح الله لسانك



جميل انت دائماً



تحياتي

صح لسانك وسلم بنانك



قصيدة رائعه بروعة حضورك



لك تقديري

ياسلام ياسلام


دره ياراعي الدرر ماشاء الله تبارك الله


شاعر وقصيده كما عهدنا فوق الشهاده


لا عدمناك

صح الله لسانك
ولاهنت
وسلم فكرك وبنانك
دمت برعاية الله وحفظة

	اشكر كلاً من ابو فياض و امير الحرف و فيصل حمود و العنود على هذا الكلام الجميل ولا هنتو

صح الله لسااانك وقلبك

مبدع لله درك

دمت بوود

الشاعر القدير سعود بن صالح الحصني
صح لسانك
قصيده جزله
فيها كل معاني الجمال
بيض الله وجهك
والله يعطيك العافيه
وعسى عمرك طويل يابوصالح
وننتظر ابداعاتك القادمه

	اشكر كلاً من بن فرهود و ابراهيم الحربي و القيصر على هذا الكلام الجميل وعسى اعماركم طويله