ديوان الشاعر نعيم عابد السيد

بسم الله الرحمن الرحيم

	المشاركة الأصلية كتبت بواسطة ابو بتال

	بكتب قصيده يا غرامي توريك=كيف المحبه سوت بقلب خاوي يوم العيون الناعسه جات تغريك=رميت سهمها وجابت الصيد لاوي خلت حياته بين فكر(ن) يطريك=وبين شوق(ن) يحرق الجوف ضاوي الله يعينه وإنت ربي يعنيك=اتشيل ذنب واحد(ن) صار هاوي يسهر بدمعه في فراقك ويرجيك=وليل المعنا يزيد جرح الشقاوي آنا اشهد إنه بالموده بيغليك=ويمشي عشانك كل درب(ن) خلاوي وإن كان ودك تنشده ويش يرضيك=يرضيه قربك يا البعيد النحاوي إما اقتربت ولا على البعد خليك=ما غيرك اللي عنده يلقى مداوي [/frame]

جتني تقول إن الجفا طبـع فيّـه=وهي دايماً (ن)تنسى قساوة جفاها
يا بنت دوبـك لا تجنّـي عليّـه=الروح روحك والهوى بك هواهـا
وإن كنت مخطي فالخطى بي خطيّه=والله يغفـر للخلايـق خطـاهـا
هاتي عتابك وابشـري بالرضيّـه=وخذي عيوني من مداها إلمداهـا
وتعالي عندي واهمسي بصدق نيّه=قولي ( أحبك ) وانا اردد صداهـا
مالك ومال الهوجسـه والأسيـه=وخلي حياتك بالصفى في صفاهـا
ويا زين يا اللي بالحلى لك ماريّه=أنا دخيل عيونـك الـي فحلاهـا
تحط يدينك بالرضـى فـي يديّـه=ننسى الزعل والليل الأقشر معاها

يا احلى حروف العشق يا ( عشق باقي)=واعذب سنين الحب واجمل سنيني
بالله ما يطري عليكم شفاقي=تشفق عليّه يوم قلبك يبيني
لا تحسبن القلب لا رحت راقي=يشهد عليّ الله ما راق فيني
وما ظن أحد(ن) يرضى بصبر الفراقي=لو هو يهودي ما يعرف الضنيني
وأنت ( يا عنّك ) ما تعرف اشتياقي=وانا اللي شوقي واضح(ن) من تجيني
عطني يدينك ثم هات العناقي=تعااال اقلك وأنت ماسك يديني
ابغاك عندي (شمس) داخل حداقي=وابغاك (قمرى) فيك تسهر عيوني

يا فكر حاير في حروف القوافي=تبا المعاني فاجمل ابيات تاتيك
برسلك انا لداعي الشــــوق لافي=سلم عليه وخذ من الزين كافيك
ولا جيت عطني اعذب الشعر وافي=وهات العلوم الخافية من سواقيك
خليني افهم كان بالعلم خافي=حال المحير كود ما هو بخافيك
من يوم قفى وانا قلت العوافي=درب السلامة وين حطت خطاويك
من عافني عفته ويا القلب كافي=ما ظن حي(ن) عافك اليوم يغليك
اعز نفسي وامشي الرمل حافي=ما مات راعي ( والمقادير تاجيك )
والحب قسمه ما يجي بالكلافي=وحنا عرفنا قسمنا من تجافيك
وهذي نهاية قصتي والقوافي=انت بطلها بعد قلبي وثق فيك