يابعد فرق اليوم عن ماضي الزمن

يابعد فرق اليوم عن ماضي الزمـن=حتـى بجـوه والهبـوب وسمايمـه
عجلن خميسه خمس وربع ربوعـه=وفيـه المشاكـل كالبحـور العايمـه
ولو فيـه راحـه ماتريـح نفوسـه=ونفوس بعض الناس عافت ولايمـه
مره غلب حاليـه لـو فيـه حالـي=ياكثـر بياعـه وياكـثـر سايـمـه
دارن سنينـه واستـدارن وغيـرن=نـاره بتراثـه ولعتبـه ضرايـمـه
هذا الزمن لو زان وعجـب لناسـه=لابـد ميخالـف مــداره قدايـمـه
وين الطبيعه فيـه مـن كـل كايـن=اللي عليه أجـواه يانـاس غايمـه
لايازمانـن فيـه عدلـن ومـايـل=شديـد يقـوا ماقونـه ضلايـمـه
كسـار جبـار العظـام الكسـيـره=ولا يتعـذر مـن خطـاه اللايـمـه
مخضـع جناحـه للتوالـي وشالهـا=وقامت تلاعب فوق جالـه بهايمـه
ولا عاد يستنكربـه الشـاذ والخطـأ=أمـور ماهـي للسلـيـم ملايـمـه
ويابـه جماميلـن تحـب المجامـل=من شان جـذاب النفـوس الهايمـه
وزاد الحسد بصدور ناسه وبرضـه=وزادن معاييـره وزادن شتايـمـه
وراع النفاق أصبح يجامل ويسمـع=أصبح يجامل فـي هـواه وغرايمـه
راع الجهـود الخاسـره والبـذيـه=طـراد محـذوف الهـوادي بقايمـه
اللـي زروعـه مرتـن حنظليـلـه=خبيـث مكروهـن كبـارن جرايمـه
نفسه تشيل من المحـن والمصايـب=تشيـل وزنـن ماتشيلـه قوايـمـه
خـداع ماسـوق اللعيـن وطاعـه=ولا تامنه عينـن سهيـره ونايمـه
دواج بيـن الـنـاس دوار لــلاذ=دواج حايم حامـت عليـه الحايمـه
ومن خافي أسلوبه به النـاس تغتـر=واللي أسمعوله فيه غرقـا وهايمـه
وأنا سمعت وشفت من عرض غيري=وأشوف من ضنـه لياليـه دايمـه
أشوف لي ناسـن تصـوم وتصلـي=وعن الحلاو المر ماهـي بصايمـه
ولا قـول كـل النـاس وبـراي لله=الظلم على أسمه ظلم والنفس شايمه
ثوبن على العريـان طولـه وقـده=والصح خصمه من وسايق هزايمـه
قلته علـى شـان الزمـان ومابـه=والخص والمقصود نكسـا هلايمـه
ولا يعاتب الزمـان والكـل يـدري=ولا عليه مـن الطليـب وحشايمـه
تعبيـر وقالـوا مـن تواجـد تكلـم=مـدام عرفـه يحملنـه سلايـمـه

الشاعر محمد بن ردمان


صح السانك


انت شاعر اصيل ولك كلمات جميله

قراح الحربي


صح بدنك هذا من عرفك وطيبك وشكراً جزيل لك على المرور المشرف

ويابه جماميلـن تحـب المجامـل=من شان جذاب النفـوس الهايمـه
وزاد الحسد بصدور ناسه وبرضـه=وزادن معاييـره وزادن شتايـمـه

ح لساااانك

ياااااابن ردماااان

قصيدة قويه

لها ابعااااد

تتحدث عن اختلاف البشر

مع تغيرالازماااان

ماقول الاصح لساااانك

وسلم بنانك

تقبل تحيااااتي

واحتراااامي

لاهنت وصح السانك



تقبل التقدير والاحترام



وفقك الله

عيسى العوفي ،، الجرح


صح بدن الجميع ومشكورين على المرور المشرف لاهنتم

صح لسانك وبيض الله وجهك
على القصيده الجزله لك كل الحب والحترام

مخضـع جناحـه للتوالـي وشالهـا
وقامت تلاعب فوق جالـه بهايمـه
ولا عاد يستنكربـه الشـاذ والخطـأ
أمـور ماهـي للسلـيـم ملايـمـه

محمد ابن ردمان

بيض الله وجهك وصح الله لسانك

ابداع شاعر متمكن

لله درك ويعطيك العافيه

تقبل اجمل التحايا

ودمت بخير

فيحان العلوي


صح لسانك ومشكور على المرور

محمد بن ردمان

بيض الله وجهك وصح السانك الله يعطيك العافيه جزاله وقو مبنى ومعنا سامي صح السانك ملايين اسجل اعجابي