(1111)المشاركه قدر المستطاع وحبذا لو كان شعرا=محلول معاهدة دفاع مشترك=من الشيخ حسين

السلام عليكم ورحمة الله وبركاته
لي طلب بسيط من اخواني مراقبين الالغاز بعد اذن كل الاعضاء بهذا الملتقى الشامخ دون استثناء وان شاء الله يتمون لي طلبي وهو حجز الرقم (1111) من الان كي انزل به لغز خاص واطلب من خلاله الرد من كل الشعراء شعر واخواني الباقين يرمعون رمع عادي وانتظر الرد منكم واذا ماتهيا حجز هذا الرقم تراني سامح لكن انتظر الخبر منكم
والله يحفظكم ويرعاكم
.

اليكم هذا اللغز وهو ابيات من ضمن قصيده وارجو من اخواني الشعراء التكرم والمشاركه بالرمعه شعراً قد المستطاع والامر اختياري وغير ملزوم واهم حاجه مشاركة الجميع شعراً او بالرمعات المعتاده واليكم اللغز مع التحيه

دورو عن بنت راحت سواليف وكلام =اختفت في ساعة الضيق ماحدٍ نبها
لو حفظت كان جاء للعرب شان ومقام =دونها ماحدٍ لقاء فرصةٍ يكسبها
دام كلٍ قال مالي بها شف ومرام=وكل فرقه تشكي ام الركب بركبها
من نلوم ومن نبقي سليم من الملام=ومنهو اللي يالعرب كلمته يقضبها

نيابة عنهم طلبك مجاب لوهو فوق السحاب وان شاء الله انهم ما يفولوني

	المشاركة الأصلية كتبت بواسطة ابوخالد الفريدي

	نيابة عنهم طلبك مجاب لوهو فوق السحاب وان شاء الله انهم ما يفولوني

الله لايهينك انت والجميع بيض الله وجهك يابو خالد علمك غانم ماقصرت

	والله يابن جمران اناء موافق \\\لكن ابحجز رقم\\2222 \\وانشالله اطرح لغز بذاك اليوم\\ربي يوفق الجميع ولو تطلب اكثر من كذا

	المشاركة الأصلية كتبت بواسطة ثامر الحصيّن

	والله يابن جمران اناء موافق \\\لكن ابحجز رقم\\2222 \\وانشالله اطرح لغز بذاك اليوم\\ربي يوفق الجميع ولو تطلب اكثر من كذا

ابشر ياثامر لكن حدد الاحرف والجماعه ان شاء الله مايقصرون الله يلحقنا حنا وياك خير بس سامع انهم يبون يحطون عليه مزاد لكن خل المبلغ طارف

	ابو جمران تدري عن شي خلاص موافق لكن تكفا قل للاداره يغيرون لون الصفحه يذكرني هالون بهوامير البورصه ام سمكه وانا مااحب اللون هذا

	المشاركة الأصلية كتبت بواسطة ثامر الحصيّن

	ابو جمران تدري عن شي خلاص موافق لكن تكفا قل للاداره يغيرون لون الصفحه يذكرني هالون بهوامير البورصه ام سمكه وانا مااحب اللون هذا

ابشر وان شاء الله تجديد الاشتراك بعد كم يوم وتجديد الستايل لكن الهوامير ياثامر لاتجيب لهم طاري حتى سمك الهامور معاد نشتريه مقاطعينه لاانه يذكرنا بهم وجهنا للضباب عساها ماتنقطع على شان ننساهم مره وحده

	المشاركة الأصلية كتبت بواسطة مضحي بن جمران

	ابشر وان شاء الله تجديد الاشتراك بعد كم يوم وتجديد الستايل لكن الهوامير ياثامر لاتجيب لهم طاري حتى سمك الهامور معاد نشتريه مقاطعينه لاانه يذكرنا بهم وجهنا للضبان عساها ماتنقطع على شان ننساهم مره وحده

حياك الله وابقاك

غالي والطلب رخيص

طلبك أمر طال عمرك وسجل الرقم انت بنفسك ماعليك سوى فتح قوس واكتب الرقم المطلوب واتمنى من الجميع تسجيل الرقم المناسب دون الحاجة لأنتظار حضور المراقب وترقيم اللغز كلنا هنا مكملين لبعض

	المشاركة الأصلية كتبت بواسطة عبدالله الفريدي

	غالي والطلب رخيص طلبك أمر طال عمرك وسجل الرقم انت بنفسك ماعليك سوى فتح قوس واكتب الرقم المطلوب واتمنى من الجميع تسجيل الرقم المناسب دون الحاجة لأنتظار حضور المراقب وترقيم اللغز كلنا هنا مكملين لبعض

وعمرك مايقصر يابو زياد بيض الله وجهك لكن نبي الرقم يتعدى الميه وبعده نطرح اللغز والله يجملني منكم