من تونس الخضراء الى بلاد بشار

السلام عليكم ورحمة الله وبركاته

يا كثر ما نسمع مشاكل با الاخبار =يالله عساها ما تقرب جهتنا
يالله تاقا بلادنا شر الاشرار = والمسلمين الي على شاكلتنا
عبر محطات الفضاء بث الاقمار = مصايب بلاد العروبه فجتنا
من تونس الخضراء الى بلاد بشار =وسائل الاعلام ما طمنتنا
والاردني عنده حصل عج وغبار= والدوله الي مقلقه خاصرتنا
متشابكه مابين حاكم وثوار = ونبي نجنبها ولا جنبتنا
ايران با الاحداث تضرب لها اوتار = وتبي توسع والهدف منطقتنا
ثوره ورى ثوره بلا سابق نذار = هذي تمسينا وذي صبحتنا
يا ثاير الثوار في بعض الاقطار = نبا نتخاصم والحكم عاقلتنا
الامن نعمه والتظاهر له اضرار = وتضيع فيه الصايبه بغبرتنا
هدم القبب هين ماهو مثل الاعمار = نصبر وندعي في صلاح انظمتنا
يابو عرب لو جاك من غرب تيار= الغرب مصلحته قبل مصلحتنا
ماهمه الا النفط وافواه الابار = والله يالولا النفط ما عبرتنا
قال انت دارك دار وافين الاشبار =حكومتك يا ليتها حاكمتنا
بضلال ابو متعب ذرى الشعب والدار = يا ليت مثل ولا يته واليتنا
الدين له منهج وللدوله شعار =با الله وللاسلا فيها ثقتنا
الحكم فيها راسي مثل سنجار = ما يزع زعه زوابع زعزعتنا
لا تعاتب الثوار في كل ما صار = ما في وطنكم مثل ما بوطنتنا
ابلادكم في حكم الاسلام تندار = وحنا بقانون البشر هاينتنا
انتم ولي الامر ما دونه جدار = وحنا عساكر قبته حاربتنا
تلقا البلاد يديرها خمسة انفار = عصابة لحقوقنا محرمتنا
مابين مسترزق وتاجر وسمسار = متحكمين بدارنا الي ربتنا
صرنا بضاعه في محلات تجار = دوله تساومنا ودوله شرتنا
عشرين عام وكثرها نشرب امرار =وملجمين افواهنا با السنتنا
شفنا القهر والذل تكرار تكرار = واحرق بنفسه تونسي وقهرتنا
ومن تونس الجاره لدار ابن مختار =ثارت على حكامنا ثايرتنا
وتكشفت قدامنا كل الاوكار = تونس ومصر وليبيا ثالثتنا
والكشف باقي به حكومات كثار = يلحق من اولنا الى تاليتنا
سالتني عن دافع الملح والنار = وهذا ختصار وباقي بمشكلتنا
عد الصحيح وقلت يا كثر الاخطار = من كل صوب وصوب متكانفتا
الشرق شيعة فرس والغرب كفار=لا خوان دين ولا لغتهم لغتنا
متحالفين وحلفهم سر وجهار = اطماعهم فا ديارنا ما خفتنا
وان ما حكمنا الشور من بين الاشوار =تغيرت بين الدول خارطتنا

صح السانك على الجزالة وبيض الله وجهك
والله يحفظ حكم الاسلام والدين
وينصر المسلمين

ياخالد الحصني صح الساااااانك عدد بلا مدد ولله درك

الشاعر خالد الحصني
صح لسانك
جزلة بارك الله فيك

الشاعر الكبير

خالد الحصني

الله الله

عليك يابو موسى

قصيده جزله من شاعر جزل

صور فيها الاحداث بدقه

شهادتي فيك مجروحك يابو موسى

مهما قلت فيك

لك حضورك المميز بالساحه الشعريه

لاهنت الله يبيض وجهك

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسان وسلم بنانك قصيده جزله من شاعر جزل
تقبل مروري ووافر تقديري ،،،،،،،،،،،،،،،،،،،،،،،،،

صح الله لسانك
ولاهنت
وسلم فكرك وبنانك
دمت برعاية الله وحفظة

العطيب بارك الله فيك
صح بدنك لا هنت

صح لسانك ..

الله ينصر كل مسلم على كل ظالم وجبار ..

موضوع القصيده يتسحق الوقوف كثيراٌ

الله يجزاك خير