زحووول الرجااال اللي تبوووج الطوابير ...

كنا في احدى المنتديات الادبيه التي تزخر بالشعراء الكبار وكان فيه موضوع يسمى بسجن القوافي
يدخله العضو بطلب من شاعر قبله ولايخرج الا بابيات يطلب بها دخول احد الشعراء وهكذا فكان ان ادخلني سجن القوافي الشاعر زيد بن راجح البقمي اكثر ظني وقمت بكتابة هذه الابيات كي اخرج من سجن القوافي وادخل شاعر بعدي فكان ان كتبت هذه الابيات واخترت الشاعر الكبير ناصر بن عبيد الهواوي العتيبي ::

ياناصر بن عبيـد مـالاح بـرراق=سلامٍ احلا مـن غبـوق المباكيـر
ياللي على الطولات والطيب سبـاق=اقبل سـلام مـود ماغـرد الطيـر
والسجن بالقيفان له شرط وابنـاق=وانا سجين ال حب سيـد الغناديـر
ماهو بسجن القاف سجني بالاعماق=مرمس وله بالقلب وررد ومصادير
رمسه بقى مابين رمشي والاحـداق=وونيت يابو عبيد من لاهب الكيـر
يالشاعر اللي يمك تلـف الاعنـاق=ولبت لك الباب الرجـال المشاهيـر
واعووود للموضوع والسجن مالاق=الا لمن هو صخر القـاف تصخيـر
ادخل ياناصر واحكم الباب باغـلاق=وهات البيوت اللي تهيض الشواعير

...
..
...

ليأتي الرد من الشاعر الكبير ناصر بن عبيد الهواوي العتيبي بشكل قصيدة كامله يقووول الهواوي ردا على مداعبتي بالابيات اعلاه :


..

البارحة مالايم النوم الامواق=والنفس فرحانة عسى فالها خير
والليل ساقه ساطع الصبـح وإنسـاق =وعطا الشفق ضلعانه اجمل تصاوير
وانا علـى المكتـب واقلـب بـالاوراق =وانقى من الجوهر واسوي دوواويـر
وهواجسي في غيهـب الفكـر غـراق =هجسـن يسندبـي وهجسـن محـاديـر
ياكـيـف لا والـلـي دعــا شـاعـرٍ راق=محـمـد الحـربـي زبــون المخـاسـيـر
من حرب بدرانـي عريبيـن الاعـراق=زحول الرجال اللـي تبـوج الطوابيـر
يامرحبـا فيـهـا مــن الشـهـد تـريـاق=والــذ مــن در امـهــات المصـاغـيـر
ومعهـا زهـر وردٍ مـن الحقـل فـتـاق=وازكـى شـذا روضٍ كستـه النواويـر
ما انفع معك للـذود لـو بـس ملحـاق=تمـيـح مــن عـــدٍ عـلـيـه النـواعـيـر
لايـمـك يامحـمـد بـمـا قـلـت يـنـعـاق=لاتلتـفـت فــي هــذر راع الخمـاكـيـر
مـادام مابـك بيـن الاجـفـان منـحـاق=سج فيـه مـرود كحلـة العيـن ويطيـر
وان كان تونس داخل القلـب مـزراق =وبـيـن الضـلـوع يولـعـون الدوافـيـر
واليا غفـا طرفـك يبـا النـوم ماطـاق=ولـو فرشـوك الريـش كنـه مسامـيـر
والقلـب يطـبـق بالمحـاديـب طــراق=وبــك حـاشـرٍزود عـلـيـك التـزافـيـر
فانـا تـرا فــي طــب هـانـوع سـبـاق=ومصنـفٍ ضمـن الاطـبـا المشاهـيـر
لـي جايـزة نوبـل بعـد كــد وارهــاق=لي سلمت من كم سنـة مـن يـد بليـر
طبـيـب نـفـس الـيـوم ومـطـوعٍ راق=وعلتـك هـاذي يـارجـل طبـهـا غـيـر
يمكن بلاك السلهمـة عقـب الاطـراق=وان كـان معهـا مـا لقـوك المـداويـر
مير انصحك بالبعد كـان انـت تطـاق=اشـد مـن ضـرب السيـوف البواتـيـر
عالجت بـه قلبـي مـن سنيـن مافـاق=وثبـت لـدي انــه مـضـرة بــلا خـيـر
وان كان تبي لفزعتي معـك مصـداق=اجني ويبدي لك لمـا اوحيـت تفسيـر
واسلم وبلـغ لـي سلامـي والاشـواق=عـلـى الـرجـال الطيبـيـن المنـاعـيـر
اعـداد مـا هلهـل مـن السـدرة اوراق=واعـداد مـاراجـت بنـجـد المعاصـيـر
والعفو كان اخطت لما قلـت الاوفـاق=والمعـذرة عــن كــل زلــة وتقصـيـر

...

.
.
.
.

ولكم قبلها وبعدها اجزل الشكر والثناء وعاطر التحايا

دمتم بحفظ الله ورعايته

من حرب بدراني عريبين الاعـراق
زحول الرجال اللي تبوج الطوابيـر
................................
انا اشهد انه صدق
.......
اخوي الشاعر الكبير الشاعر العلم ...محمد البدراني
صح لسانك وبيّض الله وجهك على هذه الدره
تعتبردره وانت تداعب فيها شاعرً كبير مثل الشاعر ناصر
فمابالك اذا كانت من الصميم اعتقد انها سوف تكون ...ام الدرر..
ابوعبدالله انت شاعر قوي في مبداك وحبك معناك
قرأت لك الكم من القصائد وكل قصيده تُضاهي الأخرى بالمبنى وبالمعنى
ابوعبدالله لواكتب عنك اخاف من تقصيري تجاهك ولاكن اكتفي
في هذه الاسطر وارجو المعذره.......
ولا انسى ..الشاعر الكبير ناصر العتيبي
صح لسانك وبيّض الله وجهك ياناصر

تحياتي لكما وتقديري

	المشاركة الأصلية كتبت بواسطة تركي العماني

	من حرب بدراني عريبين الاعـراق زحول الرجال اللي تبوج الطوابيـر ................................ انا اشهد انه صدق ....... اخوي الشاعر الكبير الشاعر العلم ...محمد البدراني صح لسانك وبيّض الله وجهك على هذه الدره تعتبردره وانت تداعب فيها شاعرً كبير مثل الشاعر ناصر فمابالك اذا كانت من الصميم اعتقد انها سوف تكون ...ام الدرر.. ابوعبدالله انت شاعر قوي في مبداك وحبك معناك قرأت لك الكم من القصائد وكل قصيده تُضاهي الأخرى بالمبنى وبالمعنى ابوعبدالله لواكتب عنك اخاف من تقصيري تجاهك ولاكن اكتفي في هذه الاسطر وارجو المعذره....... ولا انسى ..الشاعر الكبير ناصر العتيبي صح لسانك وبيّض الله وجهك ياناصر تحياتي لكما وتقديري

اخي العزيز شاعرنا الراقي الغالي تركي العماني سلمه الله


لمثل هذا الرد تكتب القصائد

ولمثل هذا الحروف تشرئب الاعناق


الف الف الف مليون شكر لمرورك الكريم المبهج

كم اسعدني مرورك العذب اسعدك الله اينما كنت

وكل حرفٍ زففته مكانه القلب

بيض الله وجهك
ولاعدمناك ايه الشهم النقي

وملء السمع والبصر لك اجزل الشكر

وهذه تحيتي وتقديري
مع اسمى ايات الشكر والامتنان اجزل الثناء واطيب المنى رعاك الله

صح لسانك يابو عبدالله
قصيده رائعه
ورد ايضا رائع
صح لسان الشاعرناصر العتيبي
لاهنتم

صح لسانك يا ابو عبد الله و صح لسان الشاعر الكبير/ ناصر الهواوي العتيبي

و كلكم شعراء كبار و لافيكم ةحيلة

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك يامحمد ولسان العتيبي
ابيات جزله بيض الله وجيهكم

والله والنعم بالبدارين اخوان اعزاء وغالين علي

والنعم في كل القبائل

والمدح باهله ماهو خسارة

صح لسانك اخوي محمد على هذه القصيدة الجزلة

وصح لسان الشاعر العتيبي ايضا

دمت بخير اخوي محمد

	المشاركة الأصلية كتبت بواسطة خالد دغيمان القبع

	والله والنعم بالبدارين اخوان اعزاء وغالين علي والنعم في كل القبائل والمدح باهله ماهو خسارة صح لسانك اخوي محمد على هذه القصيدة الجزلة وصح لسان الشاعر العتيبي ايضا دمت بخير اخوي محمد

لاعدمتك ياابا فراس

وماعليك زوووود يالقرم


والف الف الف مليون شكر لمرورك الكريم المبهج


وبيض الله وجهك


تحيتي وتقديري
مع اسمى ايات الشكر والامتنان اجزل الثناء واطيب المنى رعاك الله

صح لسانك شاعرنا / محمد البدراني

وصح لسان الشاعر / ناصر العتيبي

والله لايهينك على نقل هذا الجمال