من أصداء لقاء مؤرخ حرب ونسابتها في منتدى العبار

هذه المساجلة من اصداء لقاء منتدى العبار بمؤرخ حرب ونسابتها الاستاذ : فائز موسى البدراني .


يقول الشاعر سعد بن هذيل الفريدي الحربي:



من طلعتي من سجده الفجر مانمت
في.... منتدى العبار ..وأخبار فايز


وبدايه.. الموضوع كني ..تلعثمت
من ضربهم ....للمعجزات الغزايز


لاهنت ياللي للمناعير... صادمت
بصدق الأدله نلت فيها ...الجوايز


عساك تسلم يابو تركي لنا دمت
تبقى علم للعلم ...والطيب حايز







رد الاستاذ فائز بن موسى البدراني الحربي:




مشكور ياللي في مرورك تكرمت
وأرسلت لي أبيات مثل ..الخزايز


يامن تجيد الصمت في موقف الصمت
وان قلت قولك للرجاجيل.. جايز


في منتدى العبار بالفكر ساهمت
بضيافه ارجال حشام... وعزايز


أعطيتهم علمي ومنهم ..تعلمت
بالموقع اللي مايبث ....الحزايز






وهذه مجاراة ابن عبار للابيات :

مشكور ياللي لأعذب الشعر نظمت *** عـلى مـديـحـك يالـفـريـدي لـفـايـز
الـرجـل الـلي لا جيب طاريـه نعّمـت *** من روس لابه بالحرايب جنايز
بالنادي اللي ما يغمت الثناء غمت *** ما دار بشخوص الحمايل عوايز
وبعض النوادي لا دخلتـةٍ تـندمـت *** بـه لطلـطـه كنـه مـنـاقـر عجـايـز



http://www.bnabar.com/vb/showthread.php?t=4199

لاهنت يامريع وبيض الله وجهك على هذا النقل المميز .ماتغيب الا تجيب سلمت يمينك .صح السنة الشعراء مساجله تؤرخ لحدث.عرّفه الشاعرالمبدع سعد الفريدى:في.... منتدى العبار ..وأخبار فايز.
عنوان رائع فالجميع تشدهم اخبار الاستاذ فايز.وخاصة اذا جاءت شماليه فى منتدى العبار (نجم الجدى شمالى ودليل لايخفى) ماهى تلك الاخبار جاء الخبر مفصلا من فايز:

في منتدى العبار بالفكر ساهمت=بضيافه ارجال حشام..وعزايز
أعطيتهم علمي ومنهم.تعلمت=بالموقع اللي مايبث..الحزايز

ساهم ابو تركى بالفكر والنقاش التاريخى .مساهمه فعاله واستفاد منها كل من كانت الحقيقه ضالته والحدث التاريخى الموثق مطلبه .فى ضيافة ربع احرار وعزيزين لايهتمون الا بالحق.فى موقعهم المشهور بمصداقيته وانصافه للجميع.فلله دره.

واخيرا ختامها مسك.جاء بمشاركة الشاعر الكبير بن عبار:

مشكور ياللي لأعذب الشعر نظمت=عـلى مـديـحـك يالـفـريـدي لـفـايـز
الـرجـل الـلي لا جيب طاريـه نعّمـت=من روس لابه بالحرايب جنايز
بالنادي اللي ما يغمت الثناء غمت= ما دار بشخوص الحمايل عوايز
وبعض النوادي لا دخلتـةٍ تـندمـت=بـه لطلـطـه كنـه مـنـاقـر عجـايـز

صح لسانه.الله .الله. كم تمنينا ان تطول هذه المساجلات التى كل كلمه فيها تستحق الكتابه بماء الذهب.فعلا ان من البيان لسحرا وكلمة الحق مباشره من القلب للقلب.بيض الله وجهيكم جميعا
مرة اخرى اشكرك اخوى مريع وتقبل خالص تحياتى

من روس لابه بالحرايب جنايز
صدقت يابن عبار والقاء الي اجريته مع العلامه فايز يدل دلاله واضحه
انا مهما اختلفنا في اقلامنا وتوجاهتنا تبقى نفوسنا نبيله واختلاف الراي لايفسد
العلاقات التي بيننا فالهدف واحد وهو
البحث عن الحقايق التاريخيه والبعد كل البعد عن الاضرار بالطرف الاخر

مريع العييل

لاهنت على النقل و دائما مثل الحر صيدة الجزل

و صح لسان الشاعر سعد بن هذيل الفريدي

و صح لسان ابن عبار..


كمل اشكر الاخ الفاضل و المدافع عن قبيلته و الابن البار لها/ ابو حراب

على هذه المداخله الرااااااااااااااائعة

من روس لابة بالحرايب جنايز
....... لاكن نقول صح السان ابن عبار
وبيض الله وجهك يافايز ويالفريدي

قريت شعر ٍ يرفع الراس واشعمت =ناري مع الشعار واهل الكنايز
غنى سعد وانا على غناه نعمّت= قاف الفريدي للجزاله ركايز
قول ٍ عليه شهود مايعمته عمت= وموجهن للي على الطيب حايز
فايز سليل المجد لو طوّل الصمت =عن هرجة الغاوين يابعد فايز
شمس اشرقت والشمس ماطالها الشمت =لاحرق شعاها عين راع الخنايز

صح لسان الجميع .. ومن اجمل واجزل المواضيع ..



صح لسان شاعرنا الفريدي وبيض الله وجهه .. وياليت انك كل فترة تستحث قريحة ابو تركي بابيات لكي نستمتع بشعره كما امتعنا بنثره واطروحاته ..



لله درك يابو تركي مبدع شعرا ونثرا .. جمعت بين الادب والتاريخ .. زادك الله من خيره .




وماعليك زود وصح لسانك نقولها للعلم عبدالله بن عبار العنزي المؤرخ والاديب ..




ومداخلة فريده من الاخ العزيز الشاعر بدر الهبيري .

من أروع ما قرأت من حورات على الشبكة العنكبوتية ماشاء الله تبارك الله تجاوز قراءه أكثر من 9000 آلاف قاريء .

ويافايز الموسى سر فلا كبا بك فرس .. ياباعث تاريخ حرب . لله در حرب التي أنجبت أمثالك .