(( يقـفـي وأنـــا أقـفــي دامـتــه مـــا حسـبـلـي ..)) أبيات متواضعة ....

السلام عليكم ورحمة الله وبركاته
عزيزي المتصفح الكريم :
يطيب لي ويسعدني أن أضع أمام ناظريك هذه الأبيات المتواضعة وكلي أمل أن تحضى بالقبول
والإستحسان وأن ترقى إلى مستوى ذوقك الرفيع ..
أقــــــــــــــــــــــول :

يـاقـلـبــي الــلـــي بـالـخـطــأ مـاجـلـبـتـه=ومــن خلقـتـي مــا أرضــى الخـطـأ لــو جلبـلـي
ولـيــا عـصـانـي فــــي عــزومــي قـضـبـتـه=ولـــو مـاأردعــه وأصـخّــره مـــا إنقـضـبـلـي
أوّل لــيـــا مــنّـــي نـهـيـتــه غـلـبــتــه=يــدلــج ولا مــنّـــي زهـمــتــه حـضـبـلــي
والــيــوم مــمّــا جــــاه هــــف وعـقـبـتـه=وأزعـــج لـــه الأصــــوات مــــا ينقـلـبـلـي
يـقـول:عـسـر الــــدّرب لامـــــن ضـربــتــه=لــرضــاك جـابــرنــي وكـــــل الـغـضـبـلـي
الـعـلــم مــنّــي جــــاك لــــو مـاطـلـبـتـه=مــادمــت تـفــهــم غـايــتــي فإسـتـجـبـلـي
مــــن لايــقــدّر مـوقـفــي مــــا حـسـبـتـه=يقـفـي وأنـــا أقـفــي دامـتــه مـــا حسـبـلـي
أخــيــر لــــي وأعــــز لــــي لا جتـنـبـتـه=بــعــدي دواه وتــايـــه الـــــرأي مـبــلــي
قـلـت:إنـتـهـيـت؟وقـال:مـافـي جـــبـــتــــه=قـلـت:إسـتـمـع مــنّـــي ونــفّـــذ طـلـبـلــي
مـــن لايــــرد الــصّــوت ســاعــة نـدبـتــه=بـإذنـي صـمــم لـــو صـــاح وإلا نـــدب لـــي
وحـبــل الـسّـعـه طــيّــب وأنــــا مـاجـذبـتـه=ولا أسـقــي ظـمـيـري مـنــه لـــو ينـجـذبـلـي
والـلــي يــمــد حــبــال طـيـبــه صـحـبـتـه=وأمــــد لــــه يـمـنــاي قــــدّام حـبــلــي
والـعـلــم لاجــبـــت الـثّــبــوت ونـسـبـتــه=فــي حــظ مــن جــاب الـخـبـر لـــو نسـبـلـي
وخـضّــب شـنـبـك بـمــا تــحــوش وكـسـبـتـه=رزقـــك يـجـيـك ورزقــــي الــلــي وجـبـلــي
ويالله يـالــلــي كـــــل شـــــيء ٍ كـتـبـتــه=راضـــي بــمــا جــانــي وبـالـلــي كـتـبـلـي
ولا نــي مـحـمّـل ذنـــب أنـــا مـــا إرتكـبـتـه=والـرجــل أبثـنـيـهـا قــــدم مــــن نـشـبـلـي

وسلامتكـــــــم

السلام عليكم

الشاعر المبدع والشاعرالقوي

دائمأ تتحفنا بما يحصل لك

فنعم فيك يابوفهد

الحقيقه أنت صاحب قلب طيب مع اني اسمع عنك انت وابوروان بمشاكلكم التي تدوم بنكم

سوى بالجوال او بالملتقى

ولكن سبحان الله فجئه تتصافون وترجعون احباب

وفجئه تتهاوشون

ولاشك ان قلوبكم بيضاء

بيض الله وجهك يابوفهد

وعساك عالقوه دائمأ

دمت بود

وعليكنم السلام ورحمة الله وبركاته

صح لسانك اخوي الشاعر صالح البشري ( ابن القبيلة )

وماقصرت يالغالي على القصيده

بيض الله وجهك

تحياتي
الصـ الجارح ـقر

وعليكم السلام ورحمة الله وبركاته

الاخ الشاعر ابن القبيلة

صح السانك و بيض الله وجهك

و بارك الله فيك

تحياتي وتقديري
عاشق بريده

وعليكم السلام ورحمة الله وبركاته

الشاعر صالح البشري ( ابن القبيلة )

صح السانك

وبيض الله وجهك يالغالي

اخوك
سلطان

وعليكم السلام ورحمة الله وبركاته

الشاعر صالح البشري ( ابن القبيلة )

صح السانك

وبيض الله وجهك يالغالي

أخوك : ناصر العوفي