مع الشاعر القدير وسيم السيد

السلام عليكم

إليكم هذا اللحن مع اخي الغالي والقدير الشاعر وسيم السيد (كاسب النوماس)

اتمنى ان يحوز على رضاكم واستحسانكم

بخيتان البشري=
وسيم يا كاسب النوماس = سلام واحد على الأسمين
ياحر عينت لي قرناس = اللي عتب بابهم ثنتين
كاسب النوماس=
يامرحبا يا عريب الساس = ياوارث العز من جدين
لن كان تبغى الامر بقياس = وضح لنا ديرته من وين
بخيتان البشري=
تبقى وفيك الوفا نبراس = من وين ماجيتها من وين
ارسلت من يمّنا عسّاس = شهور ما طبها وسنين
كاسب النوماس=
ياصاحبي لا يجيك الياااس = ماخاب من يتعب الرجلين
عيد النظر وانشد الحراس = عله يجيك الخبر بعدين
بخيتان البشري=
لا تبعد الفكر والهوجاس = إنتم فذا الأمر معنيين
القصر عامر وبه جلاس = وانته وانا عندهم عينين
كاسب النوماس=
ياكثرهم من جميع اجناس = والقاف مايحتمل تخمين
باقي فوسط الحروف إعماس = لن زلتهاا تكسب التثمين
بخيتان البشري=
عمق البحر يالخوي ينقاس = ولاشك مثلك من الذربين
عرق النسب بيننا حساس = الأمر واضح لكم ذا اللحين
كاسب النوماس=
معروف كلن وله مقياس = والطارفه بالعقول تبين
لنا الشرف يوم صرنا راس = واحد ومرفوع بالكتفين
بخيتان البشري=
ماعاد بقيت فالقرطاس = وقرناس باين وله مخفين
تراك فنهاية المرواس = شوف العتب فأول البيتين
كاسب النوماس=
معروف داره لكل الناس = راعي كرم واسأل اللافين
مثلك ومثله ذهب والماس = عند العرب كلكم صافين
تشكر على طيب الاحساس = ياللي على الطيبه ماشين
ياليت نلقى معك مجلاس = ونفرح القلب بعد العين

شكرا على اللحن الرائع

تقبلا تحيتي وتقديري

	المشاركة الأصلية كتبت بواسطة همس القوافي

	شكرا على اللحن الرائع تقبلا تحيتي وتقديري

همس القوافي

طبت وطاب مرورك

محاوره رائعه يابو محمد ومن شاعرين كبيرين وتقبوا تحياتي

	المشاركة الأصلية كتبت بواسطة خالداللهيبي

	محاوره رائعه يابو محمد ومن شاعرين كبيرين وتقبوا تحياتي

الأروع مرورك يابو احمد

لاهنت يالذيب

صحت السنتكم
والله يـعـطـيـكم الـعـافيـــــــــــة
بيض الله وجيهكم

الاخ القديربخيتان البشري والاخ العزيزكاسب الوماس

صحت السنتكم وبيض الله وجيهكم واعتلا قدرك

سلمتم على هذا الابداع الاروع من رائع من بدع وايضا الرد

الله يعطيكم الصحه والعافيه

تقبل تحياتي وتقديري

	المشاركة الأصلية كتبت بواسطة وليف الشوق

	الاخ القديربخيتان البشري والاخ العزيزكاسب الوماس صحت السنتكم وبيض الله وجيهكم واعتلا قدرك سلمتم على هذا الابداع الاروع من رائع من بدع وايضا الرد الله يعطيكم الصحه والعافيه تقبل تحياتي وتقديري

صح بدنك ولاهنت ياوليف

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك ولاهنت على طيب مرورك

الله الله الله

اخوي واستاذي ابو محمد ابدعتو وامتعتو

ولحن متعوب عليه

ونقش المعاني نقش صحت السنتكم مليون