( جريدة الندوه ) مع رد الشعراء

/
/
/
/
/
/
/
/
/
/
/
/

اخواني
هذه القصيده سبق وان كتبتها في ( ملتقى حرب) وطلبت الرد عليها
وقد رد عليها بعض الشعراء
وانقل لكم البدع والرد واتمنى ان ينال إعجابكم


/
/
بدع الشاعر / خالد بن عبيد بن معتوق ألأحمدي

العين تشكي ياعـرب قلـّة النـوم=طال السهد والوضع مزري وكايـد
قام السهر يهجم على طرفي هجوم=هجوم ناد العين فـي كـاس زايـد
دايم وغاراته على العين بسهـوم=حتى غدا نصـره بحربه عوايـد
بسباب ود ٍ عشته العام مشـؤم=مع واحد ٍ ماشفـت بعـده فوايـد
اقفى وورث صورته داخل البـوم=لـولاه والله ماكتبـت القصـايـد
قصة غرامي روحت كنهـا حلـوم=فيهـا كوابيـس العنـا والشدايـد
قصه جرت يشهد بها ليل وانجـوم=منها يشيبـون الصغـار الولايـد
لو تنشر الندوه على صفحة اليـوم=ماضنتي بالسـوق تبقـى جرايـد
ياناس دلوني علـى حـل مفهوم=علمي عرضته للعقول الرشايـد
من بعد شرحي صاير الوضع معلوم=نبغى مشورة شخـص منكـم محايـد

واليكم رد
الاخ الغالي / الصيفي الحربي

يا صقر لا تشكي الهوا تِقِل مكلـوم=ترى الهوا يـودع صويبـه بدايـد
طرد الجوازي كله الْكـام و الْـدوم=و جروح طاردهـا قبلهـن جدايـد
حتى لو انه من مشاكيـل و قـروم=بآخر مطافه يصبـح الحيـل بايـد
ذي بنت حوّا طبعها المَيخْ و الزَّوم=هـذي طبيعـة لابسـات القلايـد
حاجاتهـا دايـم تجيهـا بمرسـوم=و العازه اللي عندهـا شـي كايـد
لو صار قلبك لاجلهـا كلـه ثلـوم=و لو قلت فيها محكمـات الشرايـد
ما تستمع صوتك و لو جيت بسلوم=تسفـه مناديهـا وهـذي عوايـد
ان طعتني طِرْ يا صقر و ابعد الحوم=واغسل هواها من خفوقـك بتايـد
البحر مليانٍ "سبيطي" وبه "عُـوم"=اتعب على صيده و لو هو امْكايَـد
هذي نصيحة واحدٍ جـرّب الصّـوم=عن حبهن و اصبح مع الوقت صايد

واليكم رد
الاخ الغالي / احمد العامودي

قريت خطك واصدر القلب مرسـوم=وآنا فـي حـزات الملازيـم قايـد
من يشتكي لي هم مايبـات مظلـوم=وما ارضى على مثلك تزيد الزوايد
والود مر وراعـي الـود مهمـوم=ما يهتني بالنـوم فـوق الوسايـد
كم واحدن قبلك خرج منه محـروم=وهذا الامر من سابق الوقت سايـد
والبعض حصل فيه بسكت وحلقـوم=وهذا من أللي يحكمـون المصايـد
من عامل اهل الود باسلوب محكوم=يجني من الود العسـل والحصايـد
ومن شاف من وده غماليج وعسوم=يصبر عليه ويرتجـي منـه عايـد
الصبـر مابيـن الموديـن معلـوم=من سابـق الايـام طيـب وفايـد
ومن كان بعد الصبر ماشاف مقسوم=والود يتمادى معـه فـي المكايـد
ماهو على العيشة مع الود ملـزوم=يستبـدل دروبـه دروبـن جدايـد
والله كريم ان شاف الانسان مظيوم=ينعم عليه بكـل مـا كـان رايـد

واليكم رد
الاخ الغالي / البيرق المنصوري

حنا عروبه ياصقر قوم فـي قـوم=مانحقر الاعيـان فـوق الحدايـد
نفزع وناسـن مايعرفـون للنـوم=لن كان ماتـدري تجيـك الزوايـد
واسمع شِكْات العين والطرف معلوم=يومـي طلايـب بينهـم بالوقايـد
شبعانه الاعيان والطرف محـروم=والناتج إمخسـر وماشـي رقايـد
تبدع مع الشعـار بكلـوم وكلـوم=حسب الذي جتنا عليـه النشايـد
قصة غرام القلب والصـد واللـوم=قلت الصبـر دايـم يحـل العقايـد
راع السهر دايم من الطرف مدعوم=فيه الوساطـه عاشقـه بالوكايـد
هذي حيات الـود والـود مبهـوم=مايجهله من عاش بحـر ومهايـد
لاتحسبن الود بيبسـي وجمجـوم=الـود ياقـاري كلومـي زهـايـد
والصبر لازم وانت بالصبر ملزوم=ولولا الصبر ماجاك قايـد ورايـد

واليكم رد
الاخ الغالي / سعد نفاع الجابري

لابأس ياصقرعسى مأنـت مظلـوم=إن كنت مظلوم حنا للظالـم عنايـد
إن كان الطريـق واضـح ومعلـوم=ولاصاربه عوجاج وعن السنع محايد
مايبطل باطل إلا جينـا آلـه قـروم=ينهبون الحق من الباطل لو كان كايد
بالحق نقـاوم والحـض لنـا يقـوم=نأخذ بطرق المقاصد ولانخشى هدايد
وإن كان طريقك محايـد ومحمـوم=من دونه يلفح الهواء اغبار وحسايد
عود يا أبن العم ولاتجـاري القـوم=اترك المولـي ومطاعيـم الزهايـد
خلـك فـي دارك وأمـش بسلـوم=مايجي مثل الملك يرفع الرأس بسنايد
يحييك ولايجي فـي مقامـه عـدوم=بسعدك يسعد ولايدور غيرك سعايـد

واشكر اخواني الشعراء
على تجاوبهم
وتقبالوا
تحيات
اخوكم الشاعر / خالد بن عبيد بن معتوق ألأحمدي

صح الله السنتكم وادام على العز بيانكم ماتحتاج شهادة شعراء قمم في مستواهم بارك الله فيكم
تقديري واحترامي للجميع

صح بدنك
اخوي
/ مشعل النويمي

صحت السنتكم الجميع لاهنتم

صح الله السنتكم

مضحي بن جمران
اشكرك على مرورك العطر

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم
والله يـعـطـيـكم الـعـافيـــــــــــة
بيض الله وجيهكم

خالد فهد الحربي
صح بدنك

الحب الباقي
اسعدني مرورك الكريم