(صياف) نخولي(ن) فالمدينه و شيعي بالقطيف

جيتكم فازع و أرحب ترى ماني بضيف= و أنطح العدوان و أدقها بنحورها
ما أتريح لين صياف يسري من عفيف= و أطرده يالين جده يخش قصورها
بعد ماراح الشتاء جيت في فصل الخريف= و العرب شفنا على النار فوح قدورها
أنت ودك تطرد الناس و تهد الرصيف= مار جاتك عقرب(ن) تقرص إبدنقورها
ماعرفنا وصف راع الشداد من الرديف= كل واحد لقمته كاربه حنجورها
لاتضاعف لليالي ترى ما أنته ضعيف= خل أهل عسفان تاكل و يبقى سورها
بعد بكره سجل إبوارديك ياشريف= النصيفه من عتيبه عطتك ظهورها
نخولي(ن) فالمدينه و شيعي بالقطيف= و أنت يوم تغيب عنها و يوم تزورها
لاتذكرني زمانٍ مضى وقت المصيف= يوم أغني للشجاري و أشم زهورها
كنت شيخٍ تعطي البل مامدك قصيف= و العضية قصتك مايطير طيورها
أنت تخبر يوم لبستك الثوب النظيف=يوم جات الكهربه و اشتغل ماطورها
أحسبنك بالقساء كنك الضلع المنيف= و أثرك اللي كل موتى يحفر قبورها
سرع ماشفناك جنب البحر مالك وليف=ماتعرف الحوت وش عميها من عورها
لاتضيق من التهامي لياشال العطيف= يوم يبست قربته مادهنت سيورها
يضحكون الناس و أنته علامك مستخيف=بعد شفت الغبه اللي غرق بابورها
إرتكز مثل الجبل لايجي قلبك خفيف = بعد بكره تاصل الحمله و مامورها
لاجزاء الله خير من جاب لك خنجر و سيف= ثم جاب الشمعه اللي ينور نورها
الليال إدور و تعود تغرف لك غريف=مير لاتغفل عن البندق و ناظورها
انت ياصياف مثل القمر مالك وصيف= و العشيه تتبع أمك و تسمع شورها
البلى و الشر فأم البقوم أهل الغريف= من خبالتها تحك الصفاء بظفورها
الذلول اللي على شربة الجمه تهيف= نشبة الشوكه بيدها و دقت زورها

محاوره رائعه

الله يعطيك العافيه على النقل المميز


بيض الله وجهك

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

الراعي و الذيب

الحب الباقي

بيض الله وجهك يافارس عوف

الله يعطيك العافيه على النقل المميز

سلطان الغيداني


مسفر الحربي

مشكورين على مروركم المشررررررررررررف

يعطيك العافيه على المحاوره الرائعه...
بارك الله فيك ...
تحياتي

يعطيك العافيه

الله يعطيك العافيه