ديوان الشاعر نايف ناجي الجابري

الزمل حنت باول القيظ ياهن=وراع الولع من دونهاما استراحي
امست ترازم وا لقوافي ولعهن=يوم المهيل من عناالنارفاحي
بح الكنين وبيحه صافي البن=وصوت الربابه سدموحيه باحي
علم(ن)وكادولابها شك(ن)وظن=يامى سرا بقلوب ناس(ن)جراحي
عسفت عفربكارها من غلاهن=يوم الخيال بساحة الحرف لاحي
حاولت ابين كل مااونست واكن=على الورق يوم ازرق الحبرساحي
وين النجوم اللي عن العين غابن=والليل توه ما غشاه..الصباحي
وين الذهيب اللي على العديردن=والعد جما واد فنتها.الرياحي
هلت بي العبره على الخد يومن=اذكر زمان العام .والعام راحي
لكن على الله خوف ينقال ياهن=زمل(ن)ترازم سد مغليه باحي

ياسعود مالي بالردى واهـله شف=النفس شيهانه على كــــف نايف
ماهزه الغربي ولا الجفن له رف=ولا حركو فيه شعره يا بن هايف
من لابٍة(ن)ماهابت الجيـش لوصف=على النقاء ماهي علـوم طرايف
لا شك عن كثر اللغى دايم نعف=وعن الردى ومطارد الــلاش عايف
ماني صغيٍر(ن) واحمل العقل بالكـف=الله عطى والله وهب وانـت شايـف
احفظ وقاري يافتى الجودواعف=عن ناس ما يلحق عـــليها حسايف
لثقل صنعه والحمل شاله الخف=وشعيل يرزم ماشكى الوقت خايف
من شان كسب الطـيب والطايله شف=وكسب الردى لأهل الردى يابن هايف

العلم يابن معيض في غبته ضاع=بين الوكيل ومرخصين الوداعه
الصمت طرقي والعرب صابها صداع=سلاح ذوحدين في ظرف ساعه
مااني سياسي لكن الوقت ماطاع=الزم علي الصمت والسمع طاعه
انت فهيم وعارف(ن)كل الاوضاع=لوالو كاد السوق ما به شفاعه
ماسقتها للسوق طامع وبياع=والنفس معطيها الكريم القناعه
ولاجيت اشوذ في حلال(ن)لنا ضاع!=لوالخلا فجه تعاوى سباعه
صدام مات وباقي لحزبه اتباع=عساه للجنه شهيد الشجاعه
وعزة من الخمسين زادت به اوجاع=احداث من عامين زادت اوجاعه
لمن ذكرشوفه قصرلابس قناع=عقب الشموخ اليوم يلبس قناعه
والحرما تقصر يمينه لياجاع=يشبع بمخلا به اليا مد باعه
اليوم ياابن معيض لاتلوم جزاع=وانته على اهل الصنف تفرض ايقاعه
شاعر وللمعنى قوافيك تباع=تشوق عشاق النشيد استماعه
والحرما تقصر يمينه لياجاع=يشبع بمخلا به اليا مد باعه

ياأهل الولع حرف الغلا لازم الصمت=وصمت المشاعر يحرقن الضمايـر
تقولي وأقول ماتحـس.بـي أنـت=بهمس الكلام اللـي يهـل العبايـر
لامن لقتك العيـن كنـي ولاكنـت=يامن على كف المساء جيت زايـر
جيتي وجيتك شوق ياشوق لأهنـت=عبرالخيال اللي مع الصمت سايـر
من فرحتي بالطيف ياطيف مانمـت=جيتك انا من عالـم الحـب طايـر
واللي بقاء في خاطري يوم ماأكملت=أدرا على غيري والإحساس غايـر
لاجل الغلا حرف الولع لازم الصمت=بارد بـرود الثلج....والـدم فايـر

جزل المعاني شاقها راعـي الكيـف=أبيات شعر(ن) شاقت اللـي كتبهـا
أمست تـرازم والقوافـي معاطيـف=في ضامـر اللـي مفرداتـه ندبهـا
سبحان من هو دايم بخلقـه مريـف=أرزاق قاسمهـا لخلـق(ن) وهبهـا
سبحان مجريها بيـده التصاريـف=الكون كـل ومـا حـوا محتسبهـا
اليوم جاك العلم مااحتاج توصيـف=بعض المعانـي اليـوم لا تغتربهـا
راع ألفلاحه يزرع اليـوم بالريـف=واليا أثمرت للسـوق راح وجلبهـا
وهناك شفت اللي تعايش على الطيف=و يقول يـا عـزاه روحـي نهبهـا
أسباب ما بـه قـال بعدالمواليـف=يسمع لبعض الهرج وهمه طربهـا
وهناك شفت دمـوع فيهاسواليـف=تشكي وتخفي الدمع لأحد(ن)قربهـا
دمعة يتيمنـا غربلتـه الصواديـف=فقدان اعز النـاس روحـه تعبهـا
اليوم راع العرف أمسى ولا شيـف=وأهل الجهـل للنـار جابواحطبهـا
كلن بحاله داله اليـوم يـا منيـف=والناس من يـدرك رضاهاوطلبهـا
حبل الصلة مقطوع بكل التحاريـف=بأسباب أمور(ن)ماخفت من دربهـا
وأمسى كبير السن ما له معاريـف=ولا عاد له مقـدار قبلـت عربهـا
للوالدين حقوق فرض(ن) وتعريـف=وياسعد مـن هوطاعـةالله كسبهـا
مخلوق ياابن ادم من الطين وضعيف=ودنيا ممـر ماهـي مقـر لعربهـا

[/quote]

ياأهل الولع حرف الغلا لازم الصمت=وصمت المشاعر يحرقن الضمايـر
تقولي وأقول ماتحـس. بـي أنـت=بهمس الكلام اللـي يهـل العبايـر
لامن لقتك العيـن كنـي ولاكنـت=يامن على كف المساء جيت زايـر
جيتي وجيتك شوق ياشوق لأهنـت=عبرالخيال اللي مع الصمت سايـر
من فرحتي بالطيف ياطيف مانمـت=جيتك انا من عالـم الحـب طايـر
واللي بقاء في خاطري يوم ماأكملت=أدرا على غيري والإحساس غايـر
لاجل الغلا حرف الولع لازم الصمت=بارد بـرود الثلج....والـدم فايـر

إيه بدوي يا بنت لين وصلابه=إيه بدوي ماأذل نفسي واناحي
البل لنا نوماس ما هي معابه=يا اللي حياتك دون ماضي ولاشي
ريحت عبسهن عطر يقبل ثيابه=يا عزذودن ريحها قا طع(ن)في
عز(ن)لاهلها إيه ياروح بابه= رمز الوفاء والجود موروث من طي
لمن لفان الضيف يلقى رحابه=ثم حلبت الخلفات في حزة عشي
يصفي مزاج اللي تعكر شرابه=ويضحك حجاج اللي شكا الهم يامي
إيه بدوي الدار مغلي ترابه=إيه بدوي حب الوطن ساكنن في