ديوان كسرات الشاعر صقر المراقيب (خالد بن عبيد معتوق الاحمدي )0

بسم الله الرحمن الرحيم
اتشرف بان اقدم هذا الديوان للشاعر :خالد بن عبيد بن
معتوق الاحمدي (صقر المراقيب)
والحقيقه نحن جميعااافي ملتقى قبيلة حرب الرسمي عامة وانا خاصه نتشرف بوجود ه
معنا فالملتقى وهذا من دواعي سرورنا لانه شاعر جزل ومتواضع ونعتبره اخ كبير لنا
وله منا جزيل الشكر والامتنان 0
خالد اللهيبي

الشؤم عني بعيـد اميـال=والياس اقصى منه وابعد
بثي وحزني على المتعال=منش السحاب الذي ارعد

الشاعر/ خالد بن عبيد بن معتوق ألأحمدي

الناس لاتشغل افكارك=وحياة من عزنا بالدين
محد ٍ له الحكم فاقدارك= الا الذي منشأك من طين

الشاعر / خالد بن عبيد بن معتوق ألأحمدي

خالد بـن عبيـد الاحمـدي=
سلام عمله مـن الصـراف=ياصلـك صـادر بمكتوبـي
الشيب في لحيتـي ينشـاف=هذا وانـا تـوي عزوبـي
بخـيـتـان الـبـشـري=
ترحيب من عالي المشراف=له وسم فالطيب و دروبـي
ما يلحّقك فالمشيب خـلاف=وقـار فالوجـه محسوبـي
خالد بـن عبيـد الاحمـدي=
كفيّـت ياطيـب الاوصـاف=وبين العرب شخص محبوبي
والبيض ماعندهم انصـاف=لاعدّوا الشيـب عذروبـي
بخـيـتـان الـبـشـري=
اللي يبى الولف والميـلاف=يلقـى طريقـة واسلوبـي
الشيـب ماظنتـي ينعـاف=اليـوم موضـة ومطلوبـي

اخوكم الشاعر / خالد بن عبيد بن معتوق ألأحمدي

خالد بن عبيد الاحمـدي =
لا غاب سالم عن الشعار=عنـه تنشّـد قوافيـنـا
مانلتمس له ولا معـذار=نبغـاه يقـرب ويفتينـا
سـالــم الـبـشـري=
سالم قريب الصديق البار=الشاعر اللـي موافينـا
ابشر بنا والمشير يشار=هات التفاصيل واعطينـا
خالد بن عبيد الاحمـدي=
صهيون عينه تراقب جار=في داره الخوخ والتينـا
نبغى مصيره لهيب النار=مادام نفسـه براضينـا
سـالــم الـبـشـري=
صهيون عنده اكيد اخبار=عن الثمـر فالبساتينـا
لاتترك الخائـن المكـار=جارك وله حق ياخينـا
خالد بن عبيد الاحمـدي=
ياكم وسط البلاد احـرار=بس الخلافـات تنهينـا
ولا نسوي عليه حصـار=من حد دجله إلى سينـا
سـالــم الـبـشـري=
مادامت ان اليمين يسار=لاترتجـي فالقوانيـنـا
لو كان ماتحمي الأسوار=في شدة الوقت واللينـا
خالد بن عبيد الاحمـدي=
إلى نوينـاه دق الطـار=ويزرع لغوم الفتن فينـا
سني وشيعي وقام الثار=عقبين صهيون ينعينـا
سـالــم الـبـشـري=
فمواجه الشر والأخطـار=تـوحّـدوا يامياميـنـا
كونوا يداً ترفع الأضرار=وشوكه بزور المعادينـا

وياصحابنا سامحونا
اخوكم الشاعر / خالد بن عبيد بن معتوق ألأحمدي

ماكل حارس لقى ربحه=نادوه ياشكري الواعر
وماكل واحد مسك سبحه=قالوا عليه العرب شاعر
الخيل معروف من ضبحه=له شوق بالفارس الناعر
ويومك لك يبان من صبحه=ونار الجفا حرها ساعر

الشاعر / خالد بن عبيد بن معتوق ألأحمدي

خالد بن عبيد ألأحمدي=
خليك واعي ومتصرّف=ياللي تعرف الحبل والداب
وان صرت بالفكر مطرّف=تراك محسوب فالارهاب
خالد بن عبيد ألأحمدي=
عقلي معي ماني مخرّف=سالك طريقي بكل احساب
في منهج الدين متشرّف=وكل اتكالي على الوهاب
خالد بن عبيد الاحمدي=
مابين جارف ومتجرّف=تيار منه الشجاع يهاب
كم طرف بالدمع متذرّف=من بعد لحظة ندم واعتاب
خالد بن عبيد ألأحمدي=
عارف ولا احتاج لمعرّف=فالزجر ولا خبير انساب
والقول ماني له محرّف=ولاطيع هرجه من الكذاب

/
/
/
/
واليكم المحاوره الثانيه

خالد بن عبيد ألأحمدي=
أه الحشا صابته لوزه=بسبابها حالي انحيله
حلو المها زاد فبروزه=حتى تمّيز على جيله
خالد بن عبيد ألأحمدي=
كسره ولا رزتها روزه=في رد يرضيك تأويله
الود يصرعك عركوزه=في حين غره وتغفيله
خالد بن عبيد ألأحمدي=
ياليتها تطلب العوزه= حلفت بالطيب لاجيله
واقول بختي بدا فوزه=واعلن على النحس تقفيله
خالد بن عبيد ألأحمدي=
الهوب ملزوم بالجوزه=عدال ولا بتحويله
ولو الصدر فاز بالحوزه=ماكل شيعي يواليله

لهل الرياضه سؤال اعموم= ملزوم به كل مطنوخي
اللي محكّم لقاء اليوم= مسموح له يطرد الدوخي

الشاعر / خالد بن عبيد بن معتوق ألأحمدي

بدع الشاعر / خالد بن عبيد بن معتوق ألأحمدي

بعرض قضيه على الشعـار=اللي لهم بالهـوى ماضـي
وش حيلة اللي يعيش اضرار=وطرفه عن النوم متغاضـي
كيف العمل حـارة الافكـار=لاصار خصمه هو القاضـي
ابغى حلول ٍ عليهـا اقـرار=والعقل في رايكم راضـي

رد
الشاعر القدير / الشاكر ابو سامي

اعرض قضايـاك لاتحتـار=لو هي طويلات واعراضـي
دامك شقي ذايـق الامـرار=وتراعي البـرق لاناضـي
وما دام خصمك شديد وجار=وقاضي وفي نفسه اغراضي
عليك بالذكر في الاسحـار=وعن ماتجد فيك تعتاضـي