تهزني الذكرى على صوت جوال

ارسل لي احد الاصدقاء بيوت ولعلها تكون من منقولة وليست من قوله وطلب مني مجاراتها والرد عليها ...وكان له ذالك.......

القصيدة المرسلة




الشيب لاح بعارضي وانت ما شبت***ياحبي اللي بين الاضلاع نزال

أنا أحسب أنك تبت وأنته فلا تبت***وهمي هقيته زال واثره فلا زال

تمت ثلاث أعوام ياصاحبي ثبت***في العين همالن وفى القلب زلزال

وجدي عليها وجود مسافر السبت***قفا وعبراته عظيمات وجزال

ما عقبه الا طفلة صابها كبت***يحوفها من همها قل وهزال

قفا وخلاها وهى كنها نبت***راعيه مشلولن وللضيم نزال

حالي كما حاله ولا ساعة طبت***من يوم رحت وصرت مقفى وعزال

المجاراة



ياصاحبي من غاية الشعر وش جبت***قولن فريدن نادرن بين الاقوال

هيض شجوني تلمس الجرح لا صبت***دربن وطيته فيه همن وغربال

أبحرت فى بحره للدرب جربت***ومرت علينا بالعنا كل الاهوال

مثلك تراني بالهوى قد تعذبت***كل العذاب اللي ذكرته على البال

أخذت جرعة حب منه تشربت***حتى بنى له داخل القلب منزال

وصار المقدر عنه اليوم جنبت***لا شك قلبي باقين فيه ولوال

يرجف على ذكراه مهما تثبت*** تهزه الذكرى على صوت جوال

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

الحب الوافي

صح بدنك ياالغالي
والله يعافيك ووجهك ابيض
وكل التقدير والاحترام لمرورك ونبيل شعورك

صح السانك وبيض الله وجهك
قصيدة رايعة وابدعت في صياغتها

	المشاركة الأصلية كتبت بواسطة نديم المجرة

	صح السانك وبيض الله وجهك قصيدة رايعة وابدعت في صياغتها

نديم المجره

صح بدنك ياغالي
والروعة والابداع كله يكمن بمرورك وطيب شعورك
دمت بخير

صح لسانك

قصيده رايعه

صحــت السنتكــم
دمتم برعاية الله وحفظة

صح الله السنتكم
لاهنتم