التوفل الحجازي00

إستمتعوا بلهجة أهل أول

التوفل الحجازي




الزقاق باختصار هو الشارع الضيق
دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة : نزلة او منحدر

الدبش : اغراض العروسة قبل لا تتزوج

القابلة : بكره = اللي تولد الحوامل

المملك : المأذون الشرعي

الدقيسي :الفراغ اللي تحت الدرج أو المخزن

المرقعة : الدلع والمياعه في الكلام والتصرف

يتريق : يستهزء

اللغوصة : نقل الكلام وتسبيب المشاكل

الدحلسة : اذا كنت بتتمصلح مع واحد عشان تبغى منه شي تقول يدحلس


هججوني : ازعجوني

قوامن : بسرعه , حالاً

مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون و المضليون هو البروش الألماس


الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر


المرمشة: يمين بالله علينا كلمات فلّه

المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء


الزبلحة: ياساتر على الكلمات اللي تودي في دهية، المهم الزبلحة هي قلة الأدب والتواقح في الكلام

العكننه : وهي التنكيد على شخص معين،

سربوت/ يعني داشر



كلانكاكي / ماشيا على الاقدام ................مثلا: انا اليوم جاي من الحرم كلانكاكي



انقز/ يعني اقفز من مكان عالي

تليك / حذاء الله يكرمكم

..............تكر/ يعني نقود أو فلوس
و في مصطلحات كتيرررررررررر غيرها .

2- أمثال حجازية :

إذا جيت رايح كتر من الفضايح.
او إذا جيت رايح كتر من الملايح


بعد ما أكل واتكا قال ريحته مستكا.


حاجه ما تهمك وصي عليها جوز أمك.


ست وجاريتين على قلي بيضتين.


أعمى ويلضم خرز.


دلع الكبار زي الشقدف على الحمار
يضرب هذا المثل لخروج العجوز عن وقاره وجديته

والشقدف عشان الاسئلة بس:ما كان يوضع على الجمل ليجلس فيه المسافرون


اللي ماله أم حاله يغم.


كنس بيتك ورشُو ما تدري مين يخشو.


الخايبة تتعلق بالحبال الدايبة.


أهري وانكتي يا جاره وأنا ثابته زي العماره.


شايل لنا طيران عبد القادر


لو لك شي عند الكلب قوللو يا سيدي


لا تقرصيني يا نحله ولا أبغالك عسل...


يحسدوا الفقير على موتة الجمعة


سكتنالو دخل بحمارووو


ما يقدروا على الحمار يقدروا على البردعة


اذا حلقوا لغيرك بل راسك واستنى


ايش عرف الحمير بأكل الجنزبيل


البيض الفاسد يدحرج على بعضو

اذا تعاندوا الحمير يا بخت الركاب


البيضه ما تداقش حجر

حبيبك يمضغ لك الزلط وعدوك يعد لك الغلط

حمارتك العرجة تغنيك عن سؤال اللئيم

داخل لبيت العروسه نادر من بيت العريس

ياريتني بيضه وعرجه اصلوا البياض في فرجه(بضم الفا).

يااخد القرد بمالو يروح المال ويبقا القرد على حالو

الله من محبتو في عبيدو جعل العمر والرزق بيدو.

اللي يشوفني بعين اشوفوا باتنين.

مين يشوفك يالي في الظلام تغمز

على قد زيتو سرجلو

ماتعرف خيري ألين ماتجرب غيري

عقربة في الغار ولا ضُرة في الدار

فقير اتجوز فقيرة خلفوا وجع القلب

كبيرهم فلفل وصغيرهم زنجبيل واللي في الكوفلة يقول من العايدين

خاتم بفصو وكل شيء ترصو

خشوني لاتنسوني
ولعوا الشمعة وشوفوني

عمية تحفف مجنونة وتقولها حواجبك سودا ومقرونة

الصرمة والقبقاب صاروا أصحاب

يا داق الموية في المهراس يا مربي وليد الناس

كل عيش البخيل ولا تأكل عيش المنان

أدب ولدك وان زعلت امه

يابخت من بكاني وبكى الناس عليا ولا من ضحكني وضحك الناس عليا.

رضينا بالهم والهم ما رضي بينا


اتملت العدوة وقلت المروه


أكلوا الملوخية وصاروا أفندية

لمن كنا ما كانوا ولمن رقدنا قاموا

قالوا متى طلعت القصر قالوا أمس العصر

العروسه للعريس والجري للمتاعيس

سلامتك والهيل والقرنفل قمامتك

اللي يشيل قربه مخروقه تنقط على راسه

الحجر من الارض والدم من راسك

أخوانك من أمك زي الدهب في كمك و أخوانك من أبوك زي القوم لما ينهبوك


من بيت أصقع لبيت أرقع

مطبق العاده و معصوب كل يوم
ههههههههههههههههههههههههه

في كل محضر بالتوب الاخضر


باب المجلس يقول باب السطوح ... اللي يجي يجي .. واللي يروح يروح

خليها في القلب تجرح و لاتخرج بره ترمح


الحر من غمزة والحمار من رفزه
يضرب هذا المثل لايضاح الفرق بين النبيه والبليد.


حمار الحكومة حكومة
يضرب هذا المثل للموظف الصغير المتسلط على الناس

خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان

كل حبه مسوسه لها كيال اعور

قلبي على ولدي انفطر وقلب ولدي عليا حجر.

و لا تنسوا ارضى بقردك لايجيك اللي أقرد منوو الحب عياقة ...توب بلا ياقة


اعرج يسحب مكسح و يقولو تعالا نتفسح



جبت الاقرع يونسني كشف قرعته خوفني



جبتك يا عبد المعين تعين طلعت يا عبد المعين تنعان



انتهت الزفة و ضرب الدفوف و جات الهبلة تقول تبا تشوف


الالقااااااااااااااب :
عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :

عمر : أبوسراج
حسن : أبو على
حسين : أبو هلال
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل
كمان الحجازيين فيهم اخلاق و احترام مافي بعدها

لما يطلب منك سكينه ايش يقول ؟


يقولك الله يخليك اديني سكينة في قلب العدو


لما يقلك كنت بأكل

يقلك كنت ب أتعشى مثلاً فضلة خيرك


اشياء و تراجمها :

بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما..

المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب
المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

القرندي: بفتح القاف والراء وتسكين النون وكسر الدال <<<مشوار ها؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)

توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا
انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
وكان بالصدفة متواجد في مكة هذا الجني ههههههههههههههههههههه

على طبطابي .. : يعني على مزاجي : cool:

متِرَسْتَكَه ..: يعني متأنتكه يعني مرة شياكة .. ومرتبّة

وايق : .... يعني طالع ..... يعني مثلاً تقول .. : ( ياواد وايق زي الناس لا اهبدك باتقل شي قدامي ..

و لا أهبدك اللين أجدد ايمانك

تزل ... : يعني تمر

مرحبمبك ... : يعني مرحبا بك .. بس باختصار شوية : D

باطِرمَة ... : يعني جلسة ... كنب حاجة زي كده ...

كَرَاوِيتَه : .... حاجة خشب كده ..... يحطوا عليها الباطرمة ....

مَدَارِيْه : ...... مراجيح ... :D

ندرت عينك من حُقّها ... : يعني خرجت عينك من محجرها .... كده ::]

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ... وه ياستيته .. : D

بُخْنُق ... : اللي يتلبس في الراس ويكون مخيّط على قده .... : SMIL:

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ :-@

دهليز : يعني سيب (... سيب وانا اسيب :D )..... يعني محل كده زي اللي يكون قدام ابواب العماير

من جوّه .... :SMIL من الداخل:

زنبيل : ... يعني كيس ... : cool:

زلطة : .... سَلطة بعد التعديل ... |324|

يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة : D .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله
ولا مشغله
.... :-@ )

مجغجغ : مليان مويه



ازهموا: يعني نادي .............ياواد ازهموا الله يرجك

اوادم / ضيوف ....... (يا غازي الاوادم وصلوا)



( وممكن اضيف كلمات الجيل الجديد اللي صار يولف بعض الكلمات وهيا/ خرشه/ يعني كذبه خنفشاريه/حركه جات معاك كدا

بهللا/ يعني (زناوه) يعني من الاخر حركات نص كم بلاقروشه / يعني ( لا تشغل عقلي دحين أو لا توترني )............( بالله بلا قروشه , لاتقروش راسي دحين)



( بفتح القاف وسكون الراء وفتح الواو والشين)



بابغلي / حاجة تكون مو أصليه أو صناعة تعبانه .................وفي كلمه تانيه نفس المعنى وهيا (أبوكلب) يقلك

مثلا/ياراجل الساعه هدي أبو كلب

يسلموووووووووووووووو كلامك كلو مرقعه

ودي

	المشاركة الأصلية كتبت بواسطة ابن بصيص (الكخ)

	يسلموووووووووووووووو كلامك كلو مرقعه ودي

ياواد بطلك الزبلحه
على طبطابي

بالله بلا قروشه هههههههههههههههههههه تحياتي

ولكن ايش معني طالت وشمخت يامكاويه

	المشاركة الأصلية كتبت بواسطة ابومشاري

	بالله بلا قروشه هههههههههههههههههههه تحياتي ولكن ايش معني طالت وشمخت يامكاويه

اسأل عنها العميد اسعد عمر قلي
ولا اقلك احتمال يكون معناها
عطيناه وجه دخل بحماره
ههههههههه مع نفسك ياحلو

ضعنا في بحركم ومصطلحاتكم يا مكاويه هههههههههههههههههه

الله يعينا نروح مكه ناخذ كوووووورس

	المشاركة الأصلية كتبت بواسطة ابومشاري

	ضعنا في بحركم ومصطلحاتكم يا مكاويه هههههههههههههههههه الله يعينا نروح مكه ناخذ كوووووورس

انصحك لا تروح اخاف تغرق
المكاكوه ماعندهم يمه ارحميني
خليك مكانك اصرف لك
اللي يلعب بالنار يحرق اصابيعه
ههههههههه
تسلم يابومشاري مشكور على المرور المميز

ال يحرق ال

هين يا مِدَهْمَلْ

تا الله براسك

	المشاركة الأصلية كتبت بواسطة ابن بصيص (الكخ)

	ال يحرق ال هين يا مِدَهْمَلْ تا الله براسك

ياواد اندر من صفحتي
و لا أهبدك اللين أجدد ايمانك
عساك القرندي هههههههه

خلاص حندر

عساكي احمد علي