المعجزات الثلاث

اهدي لكم هذه القصيده التي القيت في حفل تكريم
الشاعر //إلهاب عوض الوسيدي في مدينة حفر الباطن

مرحباء ترحيبة مودن جــــزيله = عــــد ودان المزون المستهــله
وعد برقن لاح بنصوب المخيله = سامرن ما بات طول الليل كــله
وعد مايورق نباتن عقب ســيله = وإكتست من نبته الريضان حله
بالحضور اجناب واقراب وقبيله = مرحباء ترحيبة إكبارن مـجله
في محل الجود واكسبها فضــيله= عند ابن عمي وارحب في محله
المكــازي حفلــهم لازم نــجيله = وانتعنــــا يـــــوم جانا داعيــــله
إنتشرفبه مع حمــــات الدبيـــله = والرجل له وقفةٍ فـــي مــــاقفــله
مع عيـــال وسيد كاسبــة الجميــــــله = في زمان اليوم وعصورن مزله
أفتخر بامجادهم واكبرحصيلــه = يشهدالتاريخ فيها ما أستزله
وقفةٍ مثل البلالــــي مستـــحيله = ماسمعنا بقصةٍ تشداه للــــه
باع روحه شذرةالسيف الصقيله = دون جاره يوم حط وداعتله
خلد البيضاءلجــيلن عقب جيله = من نقاه وطيب سلمه والجبله
معجــــزة ولالها ند وعديــــله = بالسير وسط المجالس والسجله
ياعساه بجنـــة الـــخلد ونزيله = جيش بدر من الصحابه رفقتله
ومعجزتنا الثانيه مــاهي قليله = قصة نويشي ووسمه في عصىله
دون وجهه ست ماشفو غليله = وإقتفاهم كف خاله في نقى له
عن نقاه الشمري غنا بقيله = البيوت الـي نويشي يشهدٍ له
ومعجزتنا الثالثه بيضاء جليله = قصة البشري وجاره مع إفداله
راح يبغاء الصيد وإشتال الثقيله = اجنبين شالها خطره وزله
عاد والبشري على متنه يشيله = يوم وصل القوم خبر وشحصله
قام سمره وعتزاء راع الاصيله = جارنا وبيوتنا فيها ذرانله
شب نارن تجمع إحمات الكليله =وأربعين إعقال بيدين إعضد له
إعزلوها إلجارهم وإعتق سبيله = إعتذر منهم وراح إللابتله
فعلنا ولكل محتجن دليله = والحقايق ثابتاتن بالأدله
الوفاء من طبعنا دم وفصيله = الخوي والجار منا فدوتله
لآبسين التاج بالعيطا الطويله =بالفعول يموت حاسدنا بغله
والفخر بالدوحة الخضراء الضليله = حرب ربعي سعد منهم عزوتله
والقبايل صاعهم مانقص بكيله = في سنام المجد رايتهم محله
تحت حكمن عل ربي مايزيله = ناصرالإسلام سوء الظلم ذله
خادم البيتين وجهوده نبيله = اكمل التطوير بالجهد وبذله
المواطن والوطن دون جميله = والمجاور خير موطنا وصله
عايشين بخير وبنعمه فضيله = واللبيب يلد جاره وش حصله
ماتهنا بنومها عينن ذليله = ولايحكم بحق غير الشرع للــه
والختم صلاة ربي والوسيله = للشفيع المبتعث في خير مله

سعود شديد النجدي الوسيدي

صح لسانك وسلم فكرك

حضور رايع

تقبل احترامي

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح السان الشاعر وبيض الله وجهك على المشاركه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الاخ العزيز و الشاعر الكبير/ سعود بن شديد الوسيدي

صح لسانك و نعم فيك و الوسدة و الشاعر/ لهاب يستاهل

و بشرنا عن الاخ العزيز ابو نواف عساه بخير

و سلملي عليه .. و الله و نعم الخوي و الرفيق

ابدااااااااااااااااع


صح لساااااااانك

صح لسان قايلها قصيده جميله لكن قل لنا لمن ولك الشكر

صح لسانك ياسعود وبيض الله وجهك والف نعم بالجميع

اشكركم جميعاً على مروركم وحسن ثنائكم والله يقدرنا على اللي يجملنا بالدنياء والأخرة نحن وإياكم جميعاً
وتقبلو تحياتي
والاخ حميدان العوفي/ ابو نواف طيب ويهديك السلام