حالي مثل حال الذي بات محكوم&&بإعدام حد السيف والسيف ضاوي

البارحه كني عن النوم محروم =بيني وبين النوم حرب وبلاوي
حالي مثل حال الذي بات محكوم =بإعدام حد السيف والسيف ضاوي
أمه تصيح من القهر شقت هدوم =وأخته على الخدين ضربه رهاوي
وأبوه في معكازه يطيح ويقوم =مبتورةٍ ساقه ورجلٍ عماوي
ماله جدى ياكود عضه بالإبهوم =على ضناه اللي ورى الشبك هاوي
عنده ولد عمره ثلاثة عشر يوم =ما شافته عينه يجر الخطاوي
الحكم نفذ صبح الإثنين ياقوم =من كف سيافٍ على الحكم قاوي
حالي مثل حاله وبه فرق معلوم =هو إنعدم وإرتاح وأنا شقاوي
شفت الثكالى وسط بغداد بالكوم =تصرخ بعال الصوت وين المداوي
وشيخٍ كبير من الدهر صار مضيوم =تغصب بناته شوف عينه ياراوي
وإخواننا فالقدس لاجي ومحروم =من خير بستانٍ زرعه الرجاوي
طفلٍ صرخ فيه الحزن بات مرسوم =طاوي على بطنه من الجوع طاوي
تنخى المليك اللي ليا قيل زيزوم =يقال أبومتعب زبون الجلاوي
خادم بيوت الله ذرى كل مظلوم =اللي على الصعبات بالعون قاوي
صنديد ومحنك وقايد وشغموم =زعيم قومٍ مايهاب المناوي
ضرغام صارم وقفته تشفي هموم =شخصٍ على كبده من الهم كاوي
له هيبةٍ لو وصلت الفرس والروم =يخضع لها كسرى وتذكر حكاوي
يخشاه حتى إبليس وإبليس مرجوم =لأنه سليل المجد جزل العطاوي

صح لسانك ياسلطان الفريدي
مرحبابك ياهلا وغلا
قصيده جزله من شاعر جزل
اخي
نتشرف بوجودك بيننا وياهلا وسهلا
تقبل كل تحياتي

صح بدنك اخي خالد
وبالمهلي
والشرف لي طال عمرك

الشاعر سلطان الفريدي

صح لسانك ورفع الله قدرك وشانك

قصيدة جزلة من شاعر جزل

	المشاركة الأصلية كتبت بواسطة بخيتان البشري

	الشاعر سلطان الفريدي صح لسانك ورفع الله قدرك وشانك قصيدة جزلة من شاعر جزل

صح بدنك ومشكور على المرور الرائع

صح السانك ياسلطان قصيده جزله وراعيها اجزل تقبل تجياتي

	المشاركة الأصلية كتبت بواسطة سعد رجاء الحصني

	صح السانك ياسلطان قصيده جزله وراعيها اجزل تقبل تجياتي

صح بدنك ومشكور على المرور الرائع

صح لسانك اخوي الشاعر سلطان الفريدي

قصيده جزله من شاعر جزل

يعطيك العافيه

	المشاركة الأصلية كتبت بواسطة شوق نجد

	صح لسانك اخوي الشاعر سلطان الفريدي قصيده جزله من شاعر جزل يعطيك العافيه

صح بدنك ومشكور على المرور الرائع

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه