ديـوان الشاعر / نفاع محمد السهلي ابوفـــرح

ابوفرح=
يـاعـمنـا يابـيـان الصـمت = عـندي شـهاده ودكـتـوراه
ماباقـي الا اجـيـب البـنــت = ام الحـسـب والنـسب والجـاه
بيان الصمت=
يامرحبا بك وباللي جبت=كريم وحِنَّا استحقيناه
لكني عمك وعمي إنت؟=ذا سر لازم تفك لغاه
ابوفرح=
مايـسـيـر وانـتـه خـشـب واسـمـنـت = يـادوب خـط الـقـلـم تـقـراه
روح اطـلـب الـلـه وخـل الـكـنـت = قـدام عـمـرك يـزل ســراه
بيان الصمت=
خلك في خطك معي لا هنت=تابع كلامك على معناه
ما اجنب آنا عنه لو سنت=وعداً قطعته عليك إمضاه
ابوفرح=
لو لان صم الحـجـر مالنـت = خابرك قـولـك ولاتـحـماه
تـلعـب بقـلبي وانا ماخـنـت = ياويـلـك اليـوم من اللـــــه
بيان الصمت=
ارضى بحكمك وقل سلمت=والخط ثابت لمن يقراه
حكماً بإسمك طبعنا برنت=كل ما توجِّه بلد تلقاه

ابوفرح=
مابين كارم وابو سعدون=ضويتلك علم يا لااافـي
كل يوم طالع بشكل ولون=لعل مابـاس وخلااافـي
لافي=
للآن بدري عليك الهـون=من غيره أشكال وأصنافي
قدام لا أملـك المليـون=حلفت ما بيـن الخافـي
ابوفرح=
ياهل البلد كانكم توحون=قدامكم ذيـب مشرافـي
الليل من يربح المزيون=تراه مثل الذهب صافي
لافي=
عساك يا أبو فرح ماتهون=ومبروك يا الصاحب الوافي
واجب نجي كان بتعزمون=ألا إذا كــان خـفـافـي
ابوفرح=
الدار دارك وانـت تمـون=لازم تـرا مثلـك يشافـي
قدرك مابين العرب مصيون=لا تقول تبذيـر واسرافـي

ابوفرح

اسـتـأسـر الـلـيـل نـور الـلـيـل = واسـتـرسـل شـعـاع مـن ذاتـه
لـيـل الـمـعـنى يـهـد الحـيـل = مـافارق الـدمـع وجـنـاتــه

لافي

يكفي عنى قلب ذاق الويل=خل الأسى عند حزاته
لوكان دمعك سواة السيل=مايرد للقلب ما فاته

بيان الصمت

في إشراقة النور لك تعليل=تطفي لظى البعد طلاته
مرسول خلك له التبجيل=يعني الأمل مع تحياته

ابوفرح=
شـفـت الـسـحـابه تـرش الـعـش = لا رعـد فـيـهـا ولا بـرقا
والطـيـر هايـم يلم القـش = وده على السـاقـيـه يـرقا
ابن خيرالله الردادي=
بعض السحايب كثير تغش =اللي تمره من الغرقا
والخير هو خير لاتنبش=بعض المزن رعدها زرقا

ابوفرح=
عجـيـب امر الجـمل شـفته = ضرير ويقـدي الجـمّـال
طوى قـيـده عـلى رقـبـته = ولو مال الجبل مامال
سالم البشري=
الله اجعله خير ماقلته=عن حلمكم ياجويد الخال
لو أعرف الحلم فسرته=يابو فرح واشرحه فالحال
ابن خيرالله الردادي=
يابوفرح حلمكم صبته=هذا الجمل مايريد اجدال
لاكن انا الحلم وقفته=ماني مكمله يارجال
سالم البشري=
لو مشتكى كان حللته=وافتيه أنا تو فاللي قال
ومادامت تقول فصلته=وفيت ياوافي المكيال

ابوفرح=
مندوب عن ملتقى الاجواد = يدعيك ياقابل البشري
ياصافي العد والميراد = حنا لاهل الوفا نشري
قابل البشري=
جاني نباكم مع الأستاد=اللي عن أشواقنا يدري
ماغبت عن ملتقى الرواد=شاركت أنا فيه من بدري
لافي=
ياللي لكم في المعاني ماد=نورك بدا وانشرح صدري
في الزود زايد على من زاد=ومن قدركم يعتلي قدري
قابل البشري=
ياللي لكم في المعاني ماد=نورك بدا وانشرح صدري
في الزود زايد على من زاد=ومن قدركم يعتلي قدري
لافي=
نعمين في المنزلة سداد=ومثلك حمي يحتمي عذري
الا البلاء في البلاء ينقاد=وأنا معه ما قصر شبري

ابوفرح

ياما ليالي بها عشنا = في رونق الود متخاوين
من جور الايام ماخفنا = اهل واحبه لنا باقين
واليوم جفت منابعنا = هلي اسى يادموع العين
تهنا وتاهت مراكبنا = ولادري على وين متجهين

سالم البشري

الوقت أول يساعدنا=مع بعضها الناس متصافين
عشنا ومشينا وكم شفنا=ماشفت أنا الخلق متجافين
وتغير اليوم واقعنا=حتى انقلب حالنا حالين
الله عسى الوقت يسعفنا=والود يرجع لنا والزين
يمكن نلاقي مرافئنا=فيها ونرسي مع الراسين

ابوفرح=
توي فبحر الهوا توي = لاحزت بره ولاشاطيه
وانته كما الداب مطوي = سنين وانته تمزمز فيه
بعد الهدف انقصف جوي = اشلاء روح ترا راعيه
عطني عنه علم ومدوي = لجل اتمكن منه وارميه
صقر المقرح=
لا تلف وتدور وتسوّي= نفسك غشيم اتعثر بيه
وانته كما الهام متلوّي= ما يطيب من لذغته واطيه
من باديَ الوقت متكوّي= سالِك دروب الهوى والتيه
القصف ما يطول متروّي= حاسب حسابه قبل يأتيه

ابوفرح=
وينه رفيقي بـيان الصمت = بعد الهوا حرك غصوني
ان كان ماله هوى بالنت = يرسل تلغراف لعيوني
بيان الصمت=
ترحيب وافي بما قدَّمت=وكل من على الطيب وافوني
لو غبت عنكم ولا علمت=يرسل لك القلب من دوني

ابوفرح=
جينا نهني ابو هتان = مشرف على ملتقى الكسره
لجله مغندر ولد فنان = واعطيه عشره على عشره
صقر المقرح=
مشكور ياراعيَ الإحسان= نبراس للطيب والخبره
مخبور فيك الوفا إنسان = غلبت أيّوب في صبره
ابن خيرالله=
يـسـتـاهـل الـخـيــر والـعــرفــان=مـثـلـه يـرشــح ولــــه قــــدره
خـبـيـر قــايــد وهــــو ربــــان=يحكـم علـى الـوضـع مــن نـظـره
صقر المقرح=
مخبور فيك الوفا فنّان= زعيم وقايد رجل خبره
لك جهد عند الصّعاب يبان = لا وقّف الكل من عثره
ابن خيرالله=
هــذا الشـهـر يكـتـف الشـيـطـان=ويـصـيــر لــنــاس كـالـعـبـره
مـاودنــا نـسـحــب الألــحــان=ابـلـيـس خـلــه عـلــى ثـبــره
البحار خالد=
لـجــلـه مـخـاوي ولـد عـسفـان=يـسـتـاهــل الـلـي لـبــس غــتــره
شـايـب كـبــر َقَـلع الأســنـان=والـيـوم جـاتــه مـهــي نــكــره