ديوان الشاعر عبدالاله القايدي

احساسي يجرح حروف القصيدة=والقلم من دمها يكتب حروفي
مشاعري عن واقعي حيل بعيدة=احلامي من واقعي تشرح ظروفي
لي مع الليل وسهيل مليون تنهيدة=وان طلع نهاري غابت بسمة شفوفي
ضحكتي للفرح لبست ثياب عتيدة=ودموع عيني اغسل بها كفوفي
يارقيقة الانفاس زفراتك عنيدة= تقتل الامل فيني ويزيد خوفي

لمين اشكي عنا قلبي وابوح=كيف والمشاعر بالصمت ملزومة
ياويل عيني من دمع(ن) سفوح=ياويل قلبي من زايد سقومه
اه من ونتي ومن عذاب الروح=ومن ليل غاب فيه القمر ونجومه
مين يسال القلب عن عذاب الجروح=كيف يقدر يجاوب والونة سقيمة
لامات الحب وبقيت جروح= مايولد الحب والمشاعر عقيمة
هذة النهاية توكل وانت مسموح=يكفيني من عذاب القلب همومه

لا تجرحيني كل مافيني جراح=مقدر اتحمل من جرحك الم
كل عاشق بالهوى قلبه استراح=وانا قلبي من الهجران انظلم
اداري دمعي والدمع فضاح=يرسم معاناتي على خدي علم
قلبي من الهجران نواح=يانحول جسمي مبري قلم
لمين اشكي العنا ياصاح=وكلي على بعضي سقم
بالهوى قلبي تذروه الرياح=كيف يجمع شتات بعضه ويلم
سهران انتظر نور الصباح= ومن كثر نوحي عيني لم تنم
متى تضوي قناديل اللقاء افراح=وتنصهر شموع الشوق من لهايب ضم
يارعود الود برقك كمله مالاح=يارياح الهنى تعالي وزميني زم
ابرتقي فوق هام الجراح=وامتطي صهوة افراحي نغم
ودي اصرخ واقول حبيبي راح=كملي بناديه ولا قلي نعم
ودي اجوب بلاد الله هايم وسواح=واكتب معاناتي على صفحة الغربة بدم

ارحل مع الهوجاس فين مايوديني=واسري مع الليل موادع احلامي
اعانق شعاع الشمس ضيها يعنيني=لجلك شعاع الحب وحبي لك الازامي
كل مافيني يصرخ يقول احتويني= وكلي على بعضي عطش للحب ضامي
اسمع صدى الاهات احسبك تناديني=اركض يم الصوت الاقي الهم قدامي
ارجع الملم مابقي من عناويني=واجمع شتات اوراقي ودفاتري واقلامي
اجدد بالامل انك مثلي تحتريني=الاقي في حروتي قلب جريح دامي
حبك وهم ارجوك من الحب اعفيني=خليني احبك بليلي وخيالي واوهامي
اه من قصة غرام بزيفها تطويني=طوت ليلي وانتهت قصة غرامي

تخيل الليل يهجـر نـور الصبـاح=تخيل كيف الشتاء يهجـر الصيـف
تخيل كيف يهل الدمـع مـن نيـاح=تخيل كيف يبكي القلـب الرهيـف
تخيـل جبـروت عصـف الريـاح=تخيل تساقط الاوراق بفصل الخريف
دعني انسى الم قسوتـك وارتـاح=ابهرب عن دروبك والظلم المخيـف
كفاية تظلمني وتدمي الجراح=يكفيني من جرحك الم وكافي نزيف
كل ماطاب جرحي جـددت الجـراح=وش اكثر من الجرح باقي تضيـف
ظلمك لي اقوى من طعـن الرمـاح=اشد لهيبا مـن هجيـر الصيـف
ان جيت تطلبنـي لحظـة سمـاح=ابنكر هواك وانـك لقلبـي وليـف

ياشفي وذوقي وخفوقي

لك من الغلا غلا قلب غاليك = لك من الشوق عين تهل دموع
اتعبني غيابك قلي فين اراضيك = ودي اشوفك يا دوى قلبي الموجوع
احب الحب في حبك و كل مافيك= ياشفي وذوقي وخفوقي انا بك ولوع
خذ ايامي ومن الجسد روح واعطيك= بس ارجع واضوي في لقاك شموع
خايف بعد الغياب ترجع وتقول مابيك= وتجرح القلب اللي مشالك بطوع
يموت من صدك وبعدك وفعل اياديك= ويوقف النبض وصداه بين الضلوع

متى ترعد سحابة جيتك

امرني الشوق وشوق الهوى امر=امر دموعي تهل على خدي صبايب
ان جيت ابنساك قلبي بالهوى عامر=يمسح دموعي وان هلت صبايب
كيف انساك وخيالك يجيني يطامر=انت مهجتي وعلتي ودواها والسبايب
اسهر ليل الالم والهم معي سامر=وانت ياهنايا عن ليل السمر غايب
غمرني بالهوى بعدك محلاه من غامر=ودموع عيني تكتب معاناتي عذايب
امسح دموعي بمنديل الاسى بلونه الخامر=ياخمر الهوى من كاسك الراس غايب
ياتؤوم الروح اذا ماعليك بالهوى امر=ارجع حبيبي ترى القلب من غيرك عطايب
متى ترعد سحايب جيتك وتمطر الهامر=وتهب نسائم فرحتي بقدومك هبايب

ودعتك الله والعمر فاني

مهما تحاول تبعد وتنساني=انا والله مقدر على النسيان
ان كان طبعك بالمحبة اناني=تاخذ ودادي وتجود بالهجران
ابعد بكيفك وزيد احزاني=واجرح القلب اللي حبك ازمان
غلاك نابع من عمق وجداني=عذبتني وانا عزيز انسان
احبك وجنون الحب خلاني=اتحمل عذابك واعاملك باحسان
ابكي غيابك لو غيابك ثواني=ويهل دمعي شوق واحزان
ونة الم تجرح وتبراني=خلت اعظامي نحايل وعيدان
ان جيت ابفرح همي نصاني=ومن زود همي الحزن عنوان
ودعتك الله والعمر فاني=قبل المنية ودي بشوفك ثوان
خايف ترد بيوم ماتلقاني=وماينوبك غير البكاء وجرح الاوجان
تندب الحظ اللي عصاك وعصاني=ورجعك لي وانا جثمان

ياروعة الحب قلبي اسيرك =
اعترف مابقي للقلب غيرك =
جرحتني في البعد وأنا طيرك =
تذكرني في زحمة مشاويرك =
لاتعتذر عذر واهي في معاذيرك =
خلك على طبعك واتبع ضميرك =
يكفيني عذاب بعدك وجورك =
تموت الاحزان ساعة حضورك =

تعجب الورد من بكائي

بكيت من وجدي المي وعذابي=نثرت دمعي على اوجان الورودي
تعجب الورد من بكاءي وماحل بي=فجفف الدمع من عيني وخدودي
سالني هل من حبيبن هجر وغدربي=او عاهد بالوصال واخلف بالوعودي
ياورد الرياض كافي وكفى تعذيبي=لقد ذكرتني بالحبيب الناعم الودودي
لقد احببتك ياورد ياشبيه حبيبي=في الجمال والقوام وحمرة الخدودي
هذة حكايتي مع الهوى ليه التعجبي=فأنت ياورد قضيتي وضمن شهودي